Pushpa 2: రేయ్ బాబూ, ట్రైలర్ రేపు.. అప్పుడే వచ్చేశారు ఏంటీ?

పుష్ప 2 ది రూల్’ ట్రైలర్‌ను పాట్నాలో విడుదల చేయనున్నట్లు మేకర్స్ తెలిపారు. ఇప్పుడు ఈ ట్రైలర్‌ లాంచ్ కార్యక్రమంలో అల్లు అర్జున్ గ్రాండ్ ఎంట్రీ ఇవ్వబోతున్నాడని, ఇది అభిమానులకు చాలా అద్భుతంగా అనిపిస్తుందని, గ్రాండ్ గా ఉండబోతోందని అంటున్నారు. ఈ చిత్రాన్ని వచ్చే నెల డిసెంబర్ 5న ప్రపంచ వ్యాప్తంగా భారీ ఎత్తున విడుదల చేయనున్నారు. సుకుమార్ దర్శకత్వంలో తెరకెక్కుతున్న ఈ సినిమా ట్రైలర్ రేపు విడుదల కానుంది. పాట్నాలోని గాంధీ మైదాన్‌లో ఈ సినిమా ట్రైలర్ లాంచ్ కోసం భారీ కార్యక్రమాన్ని నిర్వహించనున్నారు మేకర్స్. ఇప్పుడు ఈ ప్రోగ్రామ్‌లో అల్లు అర్జున్ గ్రాండ్ ఎంట్రీకి సన్నాహాలు జరుగుతున్నాయని అంటున్నారు. గత కొన్ని దశాబ్దాలుగా అనేక ముఖ్యమైన రాజకీయ సంఘటనలకు ఆతిథ్యం ఇచ్చిన చారిత్రాత్మక ప్రదేశం ఈ గాంధీ మైదాన్‌. అల్లు అర్జున్ ఎంట్రీ చారిత్రాత్మకంగా మరియు చాలా గ్రాండ్‌గా ఉండేలా ఈవెంట్ నిర్వాహకులు ప్లాన్ చేసారు.

Vassishta : వశిష్ట అకౌంట్ హ్యాక్.. మెసేజ్ వస్తే?

ఇందుకోసం ప్రత్యేక వాహనాన్ని ఏర్పాటు చేశారు. సాయంత్రం 6:01 గంటలకు ప్రోగ్రామ్ తో పాటే ట్రైలర్‌ను ఆన్‌లైన్‌లో విడుదల చేస్తారు. ఈ కార్యక్రమానికి అభిమానులు పెద్ద సంఖ్యలో హాజరుకానున్నారు. ఫస్ట్ పార్ట్ రిలీజ్ అయినప్పటి నుంచి ఈ సినిమా కోసం అభిమానులు ఎప్పుడెప్పుడా అని ఎదురుచూస్తున్నారు. అదే సమయంలో, చాలా మంది ప్రముఖులు ఈ చిత్రం విడుదలకు ముందే గొప్ప సినిమాటిక్ ఎక్స్‌పీరియన్స్ ఇస్తుంది అని పేర్కొన్నారు. ఈ చిత్రంలో, అల్లు అర్జున్, రష్మిక మందన్న, ఫహద్ ఫాసిల్, సునీల్ వంటి నటీనటులు కనిపించనున్నారు. ఈ సినిమా ఈ ఏడాది డిసెంబర్ 05న థియేటర్లలోకి రానుంది. మైత్రీ మూవీ మేకర్స్ నిర్మిస్తున్న పుష్ప 2 చిత్రానికి డీఎస్పీ, థమన్ సంగీతం అందించారు. అయితే ఇదంతా ఒక ఎత్తు అయితే రేపటి ఈవెంట్ కోసం ఈరోజు అదే ప్రదేశంలో పాసులు పంచుతున్నారు. ఆ పాసులు తీసుకున్నవారు అక్కడి నుంచి వెళ్లిపోకుండా అక్కడే నిలబడి స్టేజ్ నిర్మాణాన్ని పరిశీలిస్తున్నారు . దీంతో రేయ్ బాబూ, ట్రైలర్ రేపు.. అప్పుడే వచ్చేశారు ఏంటీ? అంటూ కామెంట్స్ చేస్తున్నారు.