NTR : ఎన్టీఆర్ ‘డ్రాగన్‌’లో నేషనల్ క్రష్ ..?

ప్రజంట్ ఇండియన్ సినిమా దగ్గర రాబోతున్న పలు భారీ చిత్రాల్లో దర్శకుడు ప్రశాంత్ నీల్-టాలెంటెడ్ హీరో మ్యాన్ ఆఫ్ మాసెస్ జూనియర్ ఎన్టీఆర్‌ల కలయికలో చేస్తున్న సినిమా కూడా ఒకటి. కాగా ఈ చిత్రం ఎపుడో అనౌన్స్ అవ్వగా ఇపుడు ఫైనల్‌గా పట్టాలెక్కింది. మైత్రీ మూవీ మేకర్స్, ఎన్టీఆర్ ఆర్ట్స్ కలిసి ఈ సినిమాని నిర్మిస్తున్నాయి. రవి బస్రూర్ సంగీతం అందిస్తున్నారు. ఇక రీసెంట్ గానే ఎన్టీఆర్ సెట్స్‌లోకి జాయిన్ అయిన సంగతి తెలిసిందే. ఈ మూవీకి కోసం ఎన్టీఆర్ తన లుక్ పూర్తిగా మార్చేశాడు. గుర్తుపట్టలేనంతగా బక్క చిక్కి స్లిమ్ లుక్‌లోకి మారిపోయాడు. ఇక ఎన్టీఆర్ ఇప్పుడు ఫస్ట్ షెడ్యూల్‌ను ఫినిష్ చేసుకున్నాడని సమాచారం. అయితే తాజాగా ఈ మూవీ గురించి ఇంట్రెస్టింగ్ న్యూస్ ఒకటి వైరల్ అవుతుంది..

Also Read : Akanda 2 : బాలయ్య ‘అఖండ 2’ రిలీజ్‌ డేట్‌ పై బిగ్‌ అప్‌డేట్‌

వినిపిస్తున్న అప్ డేట్ ప్రకారం ఈ సినిమాలో ఓ గ్రాండ్ స్పెషల్ సాంగ్ ఉండబోతుందట. ఈ సాంగ్‌లో రష్మిక మందాన్నా కనిపించబోతోందని, ఇప్పటికే ప్రశాంత్ నీల్ ఆమెను అప్రోచ్ అయ్యాడని, రష్మిక కూడా సాంగ్‌కి గ్రీన్ సిగ్నల్ ఇచ్చిందని తెలుస్తోంది. అది కూడా ఈ సాంగ్  కథకు అనుగుణంగా సెకండ్ హాఫ్ లో వస్తుందని టాక్. మరి ఈ వార్తలో ఎంతవరకు వాస్తవం ఉందో చూడాలి. ప్రజంట్ రష్మిక కెరీర్ కూడా ఫుల్ ఫామ్ లో ఉంది. చేతిలో ఈ అమ్మడుకి అరడజనుకు పైగా సినిమాలు ఉన్నాయి. మరి తారక్ తో రష్మిక నిజంగానే ఆడిపాడనుందా తెలియాల్సి ఉంది.