Niharika Konidela: వరుణ్ – లావణ్యల ‘సీక్రెట్’ లవ్ స్టోరీ.. అసలు విషయం బయటపెట్టిన నిహారిక!

Niharika Konidela: టాలీవుడ్ మోస్ట్ బ్యూటిఫుల్ కపుల్ వరుణ్ తేజ్ – లావణ్య త్రిపాఠిల ప్రేమకథ ఇప్పుడు మరోసారి సోషల్ మీడియాలో హాట్ టాపిక్ అయింది. వీరిద్దరూ ఏడేళ్ల పాటు అత్యంత రహస్యంగా ప్రేమించుకున్నారనే విషయాన్ని వరుణ్ సోదరి, నటి నిహారిక కొణిదెల తాజాగా ఎన్టీవీ పాడ్‌కాస్ట్‌లో వెల్లడించారు. తన అన్నయ్య ప్రేమ వ్యవహారం తెలిసి తను కూడా షాక్ అయ్యానని ఆమె పేర్కొన్నారు.

నాలుగేళ్ల వరకు ఎవరికీ తెలీదు..
ఈ సందర్భంగా నిహారిక మాట్లాడుతూ.. “అన్నయ్య (వరుణ్), లావణ్య వదిన ఏడేళ్లుగా ప్రేమలో ఉన్నారు. కానీ వారి ప్రేమ నాలుగో సంవత్సరంలో ఉన్నప్పుడు నాకు తెలిసింది. నిజానికి అన్నయ్యకు ఇండస్ట్రీలో ఎక్కువ మంది స్నేహితులు లేరు. నాకు తెలిసిన అన్నకు నితిన్ అన్న ఒక్కడే ఫ్రెండ్ అనుకుంటా ఇండస్ట్రీ నుంచి. అలాంటిది అన్నయ్య బర్త్ డే పార్టీలో వదినను చూశాక నాకు అర్థమైంది. అప్పటి నుంచి నేను, లావణ్య వదిన మంచి స్నేహితులమయ్యాం. వదిన చాలా ఫ్రెండ్లీగా ఉంటుంది. మా కుటుంబంతో ఆమె పర్‌ఫెక్ట్‌గా సెట్ అయిపోయింది” అని నిహారిక వివరించారు.

వరుణ్ తేజ్, లావణ్య త్రిపాఠి మొదటిసారి 2017లో వచ్చిన ‘మిస్టర్’ సినిమా కోసం కలిసి పనిచేశారు. ఆ సినిమా షూటింగ్ సమయంలోనే వీరి మధ్య స్నేహం మొదలై, అది కాస్తా ప్రేమగా మారింది. అప్పటి నుంచి వీరిద్దరూ డేటింగ్‌లో ఉన్నారంటూ మీడియాలో ఎన్ని వార్తలు వచ్చినా, మెగా ఫ్యామిలీ ఎప్పుడూ అధికారికంగా స్పందించలేదు. చివరకు 2023లో ఇటలీలోని టస్కనీలో వీరి వివాహం అత్యంత వైభవంగా జరిగింది. 2023లో పెళ్లి చేసుకున్న ఈ జంటకు, 2025లో ఒక మగబిడ్డ జన్మించాడు. ఆ బాబుకు ‘వాయువ్ తేజ్ కొణిదెల’ అని పేరు పెట్టారు. మెగా వారసుడి రాకతో అటు మెగా ఫ్యామిలీలో, ఇటు అభిమానుల్లో సందడి నెలకొంది.

అన్నయ్య లవ్ స్టోరీ ఇలా బయటపడింది..పార్టీలో వదినను చూసి షాక్ అయ్యాను #KonidelaNiharika #VarunTej #LavanyaTripathi #NTVENT #NTVTelugu pic.twitter.com/RSPp6We21K

— Ntv Telugu Entertainment (@NtvTeluguEnt) April 22, 2026