Saripodha Sanivaram: వామ్మో.. ‘సరిపోదా శనివారం’కి కోట్లు పెట్టిన నెట్ ఫ్లిక్స్

Netflix Buys Saripodha Sanivaram for 45 Crores: నాని హీరోగా ప్రస్తుతం సరిపోదా శనివారం అనే ఒక సినిమా చేస్తున్నాడు. వివేక్ ఆత్రేయ దర్శకత్వంలో ఈ సినిమా తెరకెక్కుతోంది. డివివి ఎంటర్టైన్మెంట్స్ బ్యానర్ మీద డివివి దానయ్య నిర్మాతగా ఈ సినిమా తెరకెక్కుతోంది. ఈ సినిమాలో నాని సరసన హీరోయిన్ గా ప్రియాంక అరుళ్ మోహన్ నటిస్తోంది. ఇక ఈ సినిమాకి సంబంధించిన రిలీజ్ డేట్ గురించి ఈ ఉదయం నుంచి చర్చ జరుగుతోంది. అదేమిటంటే ఈ సినిమా పుష్ప రిలీజ్ డేట్ మీద కన్నేసినట్లు ప్రచారం జరుగుతోంది. సుకుమార్ దర్శకత్వంలో అల్లు అర్జున్ హీరోగా తెరకెక్కుతున్న పుష్ప రెండో భాగం ఆగస్టు 12వ తేదీన రిలీజ్ కావాల్సి ఉంది. అయితే ఒకవేళ ఆ సినిమా వాయిదా పడే అవకాశం ఉంటే మాత్రం అదే రోజు సరిపోదా శనివారం సినిమాని రిలీజ్ చేసేందుకు ప్రణాళికలు సిద్ధం చేస్తున్నట్లు ప్రచారం జరుగుతోంది.

Taapsee Pannu: నేను అయితే అనిమల్ లో నటించేదాన్ని కాదు.. అది అసలు సినిమానా.. ?

ఒకవేళ పుష్ప సినిమా వాయిదా పడినా పడకపోయినా ఆ రోజు రిలీజ్ చేసే అవకాశాలను కూడా టీం పరిశీలిస్తుందని ప్రచారం జరుగుతోంది. అయితే ఇప్పుడు మరో సరికొత్త ప్రచారం తెర మీదకు వచ్చింది అదేంటంటే ఈ సినిమా డిజిటల్ స్ట్రీమింగ్ హక్కులు నెట్ ఫ్లిక్స్ సంస్థ కొనుక్కున్నట్టు ఈ మధ్యనే అధికారికంగా ప్రకటించింది. అయితే ఈ సినిమా హక్కులు కొనుగోలు చేసేందుకు నెట్ఫ్లిక్స్ సంస్థ భారీ మొత్తం వెచ్చించినట్లు తెలుస్తోంది. ఈ సినిమా హక్కులు కొనుగోలు చేసేందుకు ఏకంగా 45 కోట్ల రూపాయలు మేకర్లకు నెట్ ఫ్లిక్స్ సంస్థ ఆఫర్ చేసినట్లుగా తెలుస్తోంది. నెట్ ఫ్లిక్స్ లో నాని హీరోగా నటించిన దసరా సినిమా బాగా వ్యూస్ సాధించడంతో నాని మార్కెట్ మీద నమ్మకం ఏర్పడి నెట్ ఫ్లిక్స్ ఇంత రేంజ్ లో రేటు పెట్టి కొనుగోలు చేసినట్లు తెలుస్తోంది.