Mrunal Thakur-Yashasvi Jaiswal Dating: యశస్వితో రిలేషన్‌షిప్.. మృణాల్ ఠాకూర్ కామెంట్స్ వైరల్.. నిజమెంత?

Mrunal Thakur-Yashasvi Jaiswal Dating: బాలీవుడ్ నటి మృణాల్ ఠాకూర్, భారత యువ క్రికెటర్ యశస్వి జైస్వాల్ మధ్య డేటింగ్ జరుగుతోందంటూ గత కొన్ని రోజులుగా సోషల్ మీడియాలో జోరుగా ప్రచారం జరుగుతోంది. తాజాగా ఈ రూమర్స్‌కు మరింత ఆజ్యం పోసేలా మృణాల్ ఠాకూర్ పేరుతో ఓ కామెంట్ సోషల్ మీడియాలో వైరల్ అవుతోంది. అయితే, ఈ వైరల్ కామెంట్ నిజంగా మృణాల్ చేసిందేనా? అనే సందేహాలు ఇప్పుడు వ్యక్తమవుతున్నాయి.

కొంతకాలం క్రితం మృణాల్ ఠాకూర్, యశస్వి జైస్వాల్ ముంబైలోని ఓ కేఫ్ నుంచి బయటకు వస్తున్నట్లు కనిపించారు. ఇద్దరూ ఒకేసారి బయటకు వచ్చినప్పటికీ, వేర్వేరుగా అక్కడి నుంచి వెళ్లిపోయారు. ఇందుకు సంబంధించిన వీడియోలు, ఫొటోలు సోషల్ మీడియాలో వైరల్ కావడంతో ఇద్దరూ డేటింగ్‌లో ఉన్నారనే ఊహాగానాలు మొదలయ్యాయి.

ఈ నేపథ్యంలో యశస్వితో తన సంబంధంపై మృణాల్ స్పందించారంటూ ఓ కామెంట్ ఇప్పుడు వైరల్ అవుతోంది. అందులో పుకార్లను నమ్మవద్దని, ఇలాంటి విషయాలపై వీడియోలు చేయడం కంటే సరైన అంశాలపై దృష్టి పెట్టాలని మృణాల్ చెప్పినట్లు ప్రచారం జరుగుతోంది. అయితే ఈ కామెంట్ ప్రస్తుతం వైరల్ వీడియోలో కనిపించడం లేదు. దీంతో ఆ వ్యాఖ్య నిజంగా మృణాల్ చేసినదేనా లేదా అనేది స్పష్టంగా నిర్ధారించలేని పరిస్థితి నెలకొంది.

మృణాల్ ఠాకూర్, యశస్వి జైస్వాల్ మధ్య వయసులో సుమారు 9-10 ఏళ్ల తేడా ఉంది. మృణాల్ వయసు 34 సంవత్సరాలు కాగా, యశస్వి వయసు 24 సంవత్సరాలు. ఇదిలా ఉంటే, గతంలో మృణాల్ ఠాకూర్‌కు నటుడు ధనుష్‌తో సంబంధం ఉందంటూ కూడా వార్తలు వచ్చాయి. అంతేకాకుండా ఇద్దరూ పెళ్లి చేసుకోబోతున్నారనే ప్రచారం సైతం జరిగింది. అయితే మృణాల్‌కు సన్నిహితులు ఆ వార్తలను ఖండించారు. అయితే, ప్రస్తుతం మృణాల్-యశస్వి డేటింగ్ వ్యవహారంపై అధికారికంగా ఎలాంటి స్పష్టమైన ప్రకటన వెలువడలేదు. కేఫ్‌లో కలిసి కనిపించడం, సోషల్ మీడియాలో వైరల్ అవుతున్న కామెంట్ ఆధారంగానే ఈ ప్రచారం కొనసాగుతోంది. కాబట్టి వైరల్ అవుతున్న కామెంట్‌ను మృణాల్ అధికారిక స్పందనగా భావించేందుకు ప్రస్తుతం ఆధారాలు లేవని చెప్పాలి.

వైరల్ అవుతున్న కామెంట్ ఇదే..