హైదరాబాద్ లోని ప్రముఖ మల్టీప్లెక్స్ లో టాలీవుడ్ సూపర్ స్టార్ మహేశ్ బాబు AMB సినిమాస్ ఒకటి. ఈ మల్టీప్లెక్స్ లో ఎంత ఎక్కువ కలెక్షన్స్ సాధిస్తే అంత పెద్ద రికార్డుగా భావిస్తారు ఫ్యాన్స్. కేజిఫ్, సలార్, పుష్ప వంటి సినిమాలు ఇక్కడ రికార్డు స్థాయి కలెక్షన్స్ రాబట్టాయి. రాజమౌళి దర్శకత్వంలో తారక్, చరణ్ నటించిన RRR ఇప్పటి వరకు ఈ మల్టీప్లెక్స్ లో హయ్యెస్ట్ గ్రాసింగ్ కలెక్షన్స్ రాబట్టిన సినిమాగా రికార్డు సృష్టించింది.
Also Read: Rajnikanth: వైజాగ్ లో కూలీకి 160 ఇచ్చిన తలైవా రజనీకాంత్..
తాజాగా ఆ రికార్డును బద్దలు కొట్టాడు డార్లింగ్ ప్రభాస్. రెబల్ స్టార్ నటించిన సంచలన లేటెస్ట్ బ్లాక్ బస్టర్ కల్కి. ఈ చిత్రం AMB సినిమాస్లో 41 లక్షల రూపాయల గ్రాస్తో ఆల్ టైమ్ రికార్డ్ ఓపెనింగ్ను రాబట్టింది. సూపర్ హిట్ టాక్ తో మొదటి వారం 2.1 కోట్లరూపాయల గ్రాస్ వసూలు చేసింది. మొదటి వారం ఈ స్థాయి కలెక్షన్స్ రాబట్టడంతో కల్కి ఆల్ టైమ్ రికార్డ్ క్రియేట్ చేసింది. ఇటీవల 50రోజుల థియేట్రికల్ రన్ ముగించింది కల్కి. ఫుల్ రన్లో AMB సినిమాస్లో ఈ చిత్రం 4.42 కోట్లు రూపాయలు వసూలు చేసి, ఇంతకూ ముందు రూ 4.36 కోట్లతో RRR పేరిట ఉన్న రికార్డును బద్దలు కొట్టింది. విడుదలైనప్పటి నుండి లాంగ్ రన్ ముగిసే వరకు AMB సినిమాస్లో ఆల్ టైమ్ బిగ్గెస్ట్ గ్రాసర్గా నిలిచింది కల్కి. ఇక నైజాంలో ఈ చిత్రం 120 కోట్లకు పైగా రాబట్టింది. కల్కి సూపర్ హిట్ తో ప్రపంచవ్యాప్తంగా రెండు 1000 కోట్లకు పైగా గ్రాసర్స్ సాధించిన ఏకైక నటుడిగా ప్రభాస్ నిలిచాడు.
