KP Chowdary: డ్రగ్స్ కేసు దెబ్బకి గోవాలో తేలిన కేపీ.. కొంప ముంచిన గోవా టూరిజం!

తమిళ కబాలి సినిమాను తెలుగులో రిలీజ్ చేసిన కేపీ చౌదరి అలియాస్ కృష్ణ ప్రసాద్ అనే నిర్మాత గోవాలో సూసైడ్ చేసుకున్న సంగతి తెలిసిందే. ఈ సూసైడ్ కి సంబంధించి కొన్ని విషయాలు వెలుగులోకి వచ్చాయి. డ్రగ్స్ కేసులో అరెస్ట్ అయి బయటికి వచ్చినప్పటి నుండి తీవ్ర ఆర్థిక ఇబ్బందులతో కృష్ణ ప్రసాద్ ఉన్నట్టు తెలుస్తోంది. ఈ కేసులో అరెస్టు అప్పటినుండి డ్రగ్స్ కేసులో కీలక నిందితుడు ఎడ్విన్ తో విభేధాలు వచ్చాయని అంటున్నారు. జైలు నుండి బయటకు వచ్చిన తర్వాత గోవాకి వెళ్లి అక్కడే స్థిర పడిపోయిన కృష్ణ ప్రసాద్ అక్కడే ఓ క్లబ్ ను నడుపుతున్నాడు.

Lavanya: మస్తాన్ సాయి కేసులో సంచలనాలు.. హీరో నిఖిల్ ఫోన్ హ్యాక్.. నేనేం మంచిదాన్ని కాదు కానీ కుట్ర చేశారు!

అయితే క్లబ్ సరిగా నడవడం లేదు, గోవాలో టూరిజం పడిపోయిన క్రమంలో ఆ మెయింటెనెన్స్ భారం మీద పడడంతో ఆర్థికంగా కృష్ణ ప్రసాద్ తట్టుకోలేకపోయినట్టు తెలుస్తోంది. ఇవాళ ఉదయం తన వ్యక్తిగత కారణాలతో ఆత్మహత్య చేసుకుంటున్నానంటూ మెసేజ్ చేసిన కృష్ణ ప్రసాద్ గోవాలోని సీయోలిమ్‌ లో తను ఉంటున్న ఇంట్లో ఆత్మహత్య చేసుకున్నాడు. కృష్ణ ప్రసాద్ డెడ్ బాడీని గోవా ప్రభుత్వ ఆసుపత్రి మరియు బాంబోలిం ఆస్పత్రికి పోస్ట్ మార్టం కోసం తరలించిన గోవా పోలీసులు కృష్ణ ప్రసాద్ కుటుంబ సభ్యులకు ఆత్మహత్యకు సంబంధించిన సమాచారం అందించారు. ఇక కృష్ణ ప్రసాద్ డెడ్ బాడీ కి పోస్టుమార్టం పూర్తి కావడంతో డెడ్‌బాడీని తీసుకెళ్ళాల్సిందిగా అతని కుటుంబ సభ్యులకు చెప్పారు సియోలిమ్ పోలీసులు.