Marriage Rumours: ఈ రోజుల్లో ఏ వార్త ఎప్పుడు ఎలా వైరల్ అవుతుందో ఎవరికీ తెలియడం లేదు. ప్రస్తుతం సోషల్ మీడియాలో ఒక ఫోటో చుట్టూ తెగ కథలు వెల్లువెత్తున్నాయి. ఇంతకీ ఆ ఫోటో ఏంటో తెలుసా.. సాంప్రదాయ దుస్తుల్లో మెడలో పూలదండలు ధరించి చిరునవ్వులు చిందిస్తున్న సీనియర్ నటుడు జయరామ్, ప్రముఖ నటి సిమ్రాన్ కలిసి ఉన్న ఫోటో. ఈ ఫోటో బయటికి రావడంతో వాళ్లిద్దరూ పెళ్లి చేసుకున్నారంటూ సోషల్ మీడియాలో జోరుగా ప్రచారం జరుగుతోంది. ఇదే సమయంలో వాళ్లిద్దరూ సిక్రెట్గా పెళ్లి చేసుకున్నారా? అంటూ నెటిజన్లు ఆశ్చర్యపోతున్నారు. అయితే ఈ ప్రచారంలో ఎలాంటి నిజం లేదని తెలుస్తోంది. వైరల్ అవుతున్న ఫొటోలు నిజమైనవే అయినప్పటికీ.. అవి జయరామ్, సిమ్రాన్ పెళ్లికి సంబంధించినవి కావని ఇండస్ట్రీ వర్గాలు చెబుతున్నాయి. వీరిద్దరూ కలిసి నటించనున్న ఓ కొత్త రొమాంటిక్ కామెడీ సినిమా ప్రారంభోత్సవ కార్యక్రమంలో ఈ ఫొటోలు తీసినట్లు సమాచారం.
సినిమా పూజా కార్యక్రమానికి సాంప్రదాయ దుస్తుల్లో హాజరైన జయరామ్, సిమ్రాన్ను నిర్వాహకులు పూలదండలు వేసి సత్కరించారని చెబుతున్నారు. ఆ సమయంలో తీసిన ఈ ఫొటోలను కొందరు సోషల్ మీడియాలో పెళ్లి ఫొటోలు అంటూ ప్రచారం చేయడంతో సోషల్ మీడియాలో ఈ వాళ్లిద్దరూ సిక్రెట్గా పెళ్లి చేసుకున్నారంటూ గందరగోళం మొదలైంది. నిజానికి ఈ ఫొటోలు చూసిన పలువురు నెటిజన్లు వీరిద్దరూ నిజంగానే పెళ్లి చేసుకున్నారని భావించారు. అయితే అసలు విషయం తెలియడంతో వాళ్ల పెళ్లి వార్తలకు చెక్ పడింది. ఇక ఈ కొత్త సినిమ విషయానికొస్తే.. జయరామ్, సిమ్రాన్ దాదాపు 24 ఏళ్ల తర్వాత మరోసారి కలిసి నటించబోతున్నారు. డైరెక్టర్ ఎస్.వై.గౌతమ్రాజ్ తెరకెక్కించనున్న ఈ కొత్త చిత్రం రొమాంటిక్ కామెడీ ఎంటర్టైనర్గా రూపొందనుందని సమాచారం. ఇన్నేళ్ల తర్వాత వీరిద్దరి కాంబినేషన్ రిపీట్ కావడంతో ఈ సినిమాపై ప్రేక్షకుల్లో ఆసక్తిని పెంచుతోంది. ప్రస్తుతం సినిమా ప్రారంభోత్సవానికి సంబంధించిన ఫొటోలు వైరల్ కావడం, ఆ ఫోటోలు జయరామ్, సిమ్రాన్ పెళ్లి ఫోటోలుగా ఉండటం, తర్వాత అసలు విషయం బయటికి రావడంతో.. మూవీకి స్టార్టింగ్లోనే సూపర్ పబ్లిసిటీ వచ్చిందని ప్రేక్షకులు చర్చించుకుంటున్నారు.