తమిళ స్టార్ హీరోలలో జయం రవి ఒకరు. కానీ ఇటీవలి కాలంలో జయం రవి టైమ్ అంత కలిసి రాలేదనే చెప్పాలి. ఎన్నో ఏళ్లుగా కొనసాగుతున్న తమ వైవాహిక జీవితానికి ముగింపు పలుకుతూ సతీమణి ఆర్తిరవి కి విడాకులు తీసుకున్నాడు ఈ హీరో. ఈ విడాకుల వ్యవహారం ఒకవైపు కోర్ట్ లోనడుస్తుండగానే మరోవైపు తాను నటించిన లేటెస్ట్ సినిమా బ్రదర్ ను రిలీజ్ చేసాడు రవి. ప్రియాంక మోహన్, జయం రవి కలయికలో వచ్చిన ఈ సినిమా దీపావళి కానుకగా తమిళ్ లో రిలీజ్ అయింది. సీనియ‌ర్ క‌థానాయిక భూమిక ఓ కీల‌క పాత్ర పోషించింది. హ‌రీస్ జ‌య‌రాజ్ మ్యూజిక్ అందించిన బ్రదర్ జయం రవి 30వ సినిమా.
Also Read : Mahavatar : మరో భారీ ప్రాజెక్ట్‌ కు శ్రీకారం చుట్టిన హోంబలే ఫిల్మ్స్‌
ఫ్యామిలీ డ్రామాగా రూపొందిన బ్రదర్ డిజాస్ట‌ర్‌గా నిలిచింది. బ్రదర్ మూవీలో ప్రియాంక అరుళ్ మోహన్ హీరోయిన్‌గా న‌టించ‌గా.. . అమ‌ర‌న్‌, లక్కీ భాస్కర్, బ్లడీ బెగ్గర్ తో పోటీగా వచ్చిన ఈ సినిమాకు ఎమ్ రాజేష్ దర్శకత్వం వ‌హించాడు. రొటీన్ కథతో వచ్చిన బ్రదర్ సూపర్ ప్లాప్ గా నిలిచింది. కాగా బ్రదర్ మూవీ డిజిటల్ ప్రీమియర్ కు రెడీ అవుతోంది. ఈ సినిమా డిజిటల్ హ‌క్కుల‌ను జీ5 ఓటీటీ కొనుగోలు చేసింది. ఈ సినిమాను ఈనెల 29న ఓటీటీ ప్రేక్ష‌కుల ముందుకు తీసుకు రానుంది zee 5. థియేట‌ర్ల‌లో కేవ‌లం త‌మిళంలోనే రిలీజైన ఈ మూవీ ఓటీటీలో మాత్రం ఐదు భాష‌ల్లో త‌మిళంతో పాటు తెలుగు, క‌న్న‌డ, మ‌ల‌యాళం, హిందీ భాష‌ల్లో స్ట్రీమింగ్ చేస్తోంది జీ. థియేటర్స్ లో ప్లాప్ అయిన బ్రదర్ ఓటీటీలో ఏ మేరకు మెప్పిస్తాడో చూడాలి.