Narsingi Police Station: నార్సింగి పోలీస్ స్టేషన్ లో జానీ, హర్షసాయి రేప్ కేసుల దర్యాప్తు

Jani Master and Harsha Sai Cases in Narsingi Police Station: నార్సింగి పోలీస్ స్టేషన్ లో రెండు సంచలనం రేపిన కేసుల దర్యాప్తు కొనసాగుతోంది. లైంగిక దాడి కేసులో అరెస్ట్ అయి 14 రోజుల జ్యుడీషియల్ రిమాండులో ఉన్న జానీ మాస్టర్ ను పోలీసులు కస్టడీ పిటిషన్ వేసి కస్టడీలోకి తీసుకుని విచారిస్తున్నారు. ఈ కేసుతో పాటుగా హర్ష సాయి కేసులో కూడా ఇవాళ స్టేట్మెంట్లను దర్యాప్తు అధికారులు రికార్డు చేస్తున్నారు. నార్సింగి పోలీస్ స్టేషన్లో కస్టడీలో ఉన్న జానీ మాస్టర్ ను కలవడానికి అతని భార్య ఆయేషా వచ్చింది. జానీ మాస్టర్‌ను ఆయేషాతో పాటు మరో ఇద్దరు కుటుంబ సభ్యులు కలిసేందుకు రాగా అయేషాను మాత్రమే కలువడానికి అనుమతించారు అధికారులు.

Ram Charan: ‘దేవర’కి చరణ్ విషెష్

దీంతో జానీ మాస్టర్ ను కలిసి అయేషా వెళ్ళిపోయింది. ఇక మరోపక్క మరో లైంగిక దాడి కేసులో హర్ష సాయి బాధితురాలు స్టేట్మెంట్ తో పాటు విట్నెస్ ల స్టేట్మెంట్లను పోలీసులు రికార్డు చేస్తున్నారు. నార్సింగి పోలీస్ స్టేషన్ కు హర్ష సాయి పై ఫిర్యాదు చేసిన మిత్రాశర్మతో పాటు కో ప్రొడ్యూసర్ బాల, మరో ఇద్దరు సాక్షులు వచ్చారు. దీంతో సాక్షుల స్టేట్‌మెంట్ లను అధికారులు రికార్డ్ చేస్తున్నారు. హర్ష సాయి విడుదల చేసిన ఆడియో క్లిప్పింగ్ సరైంది కాదని, ఇతర ఆడియో క్లిప్‌లను కలిపి మెర్జ్ చేశారంటూ ఫిర్యాదు చేసింది బాధితురాలు.