సోషల్ మీడియా వచ్చిన తర్వాత ప్రపంచం చాలా చిన్నదైపోయింది. ఎలాంటి విషయాలైన ఇట్టె మన కళ్ళముందు వచ్చేస్తున్నాయి. అంతేకాదు ఈ సోషల్ మీడియా ద్యార చాలా మంది వారీ టాలెంట్‌తో ఫేమ్ అవుతూ లక్షల్లో సంపాదిస్తున్నారు. అలాంటి వారిలో ఫన్‌మోజీకి ఉండే ఫాలోయింగ్ గురించి చెప్పకర్లేదు. యూట్యూబ్‌లో ఈ ఫన్‌మోజీ నుంచి వచ్చే కంటెంట్‌తో అందరినీ ఆకట్టుకుంటూ బిలియన్ల వ్యూస్, మిలియన్ల సబ్ స్క్రైబర్లను సాధించుకుంది. ఇక ఇప్పుడు ఈ టీం వెండితెరపైకి రాబోతోంది. మన్వంతర మోషన్ పిక్చర్స్, శివం సెల్యులాయిడ్స్ బ్యానర్ మీద సుశాంత్ మహాన్ హీరోగా కె. సుధాకర రెడ్డి, రవి ఓ చిత్రాన్ని నిర్మిస్తున్నారు.
Also Read:Thandel: ‘తండేల్’ పై దర్శకేంద్రుడి రివ్యూ
ఇక ఈ రోజు హీరో సుశాంత్ మహాన్ బర్త్ డే సందర్భంగా సినిమా కాన్సెప్ట్ తెలియజేసేలా ఓ పోస్టర్‌ను రిలీజ్ చేశారు. కాగా ఈ పోస్టర్ అందరిలోనూ ఇంట్రెస్ట్ క్రియేట్ చేసింది. పోస్టర్‌లో హీరో రగ్డ్ లుక్, ఏదో సుడిగుండంలో చిక్కుకున్నట్టుగా.. అందులో కొన్ని హింట్లను కూడా వదిలారు. ఈ హింట్లను నిశితంగా గమనిస్తే సినిమా కాన్సెప్ట్ డిఫరెంట్‌గా ఉండబోతోందని అర్థం అవుతోంది. ఏదో అడ్వెంచరస్ మూవీని రూపొందిస్తున్నట్టు గా కనిపిస్తోంది. మొత్తానికి ఫస్ట్ లుక్ పోస్టర్‌తోనే అందరి దృష్టిని తమ వైపు తిప్పుకుంది మోజీ టీం. ఇక మున్ముందు మరిన్ని అప్డేట్స్ రానున్నాయి.