Kaantha OTT : ఓటీటీలోకొచ్చిన దుల్కర్ సల్మాన్ లేటెస్ట్ డిజాస్టర్

రానా దగ్గుబాటి, దుల్కర్ సల్మాన్ కాంబోలో వచ్చిన చిత్రం కాంత. భారీ అంచనాల మధ్య వచ్చిన గత 14న వరల్డ్ వైడ్ గా రిలీజ్ అయిన ఈ సినిమా తమిళనాడులో రెండు రోజుల ముందుగా వేసిన ప్రీమియర్స్ నుండి సూపర్ టాక్ తెచ్చుకుంది. కథ, కథనాలు చాలా బాగున్నాయని దుల్కర్ కెరీర్ లో మరొక బెస్ట్ ఫిల్మ్ అవుతుందని అంచనా వేశారు. కానీ అందరి అంచనాలను తలకిందులు చేసింది కాంత. రిలీజ్ రోజు మొదటి ఆట నుండి మిశ్రమ స్పందన తెచ్చుకుంది కాంత. దుల్కర్ నటన అద్భుతంగా ఉందని కామెంట్స్ వినిపించాయి కానీ స్క్రీన్ ప్లే ఆకట్టుకోకపోవడంతో ఆశించిన మేర కలెక్షన్స్ రాబట్టలేక పోయింది కాంత.

Also Read : Akhanda2 : అఖండ – 2 బాలయ్య కెరీర్లోనే బిగ్గేస్ట్ ఓపెనింగ్

దుల్కర్ కి మరో క్లాసిక్ బ్లాక్ బస్టర్ అవుతుందని, సులభంగా రూ. 100 కోట్లు వసూలు చేస్తుందని అంచనాలు వేసింది ట్రేడ్. కానీ వాటంన్నింటిని తారుమారు చేస్తూ ఈ చిత్రం రూ. 40 కోట్ల లోపు క్లోజ్ అయింది. తెలుగులోను ఈ సినిమా కేవలం రూ. 6 కోట్లు వసూలు చేసి ప్లాప్ అయింది. అయితే ఈ సినిమా డిజిటల్ స్ట్రీమింగ్ హక్కులు ప్రముఖ ఓటీటీ నెట్ ఫ్లిక్స్ సొంతం చేసుకుంది. కాగా ఇప్పుడు ఈ సినిమా ఓటీటీలో ఎంట్రీ ఇచ్చేసింది. థియేటర్స్ లో రిలీజ్ అయిన నాలుగు వారాల తర్వాత ఓటీటీ స్ట్రీమింగ్ కు వచ్చింది. కాగా నేటి నుంచి ఈ సినిమా పాన్ ఇండియా భాషల్లో స్ట్రీమింగ్ కి వచ్చేసింది. థియేటర్ లో డిజాస్టర్ అయిన కాంత సినిమా ఓటీటీలో ఏ మేరకు వ్యూస్ రాబడుతుందో చూడాలి.