బాలీవుడ్ మోస్ట్ క్రేజీయెస్ట్ సిరీస్ లలో ధూమ్ సిరీస్ కు స్పెషల్ క్రేజ్ ఉంది. ఒక్క బాలీవుడ్ లోనే కాకుండా పాన్ ఇండియా వైజ్ గా ధూమ్ కు బీభత్సమైన ఫ్యాన్స్ ఉన్నారు. యష్ రాజ్ ఫిల్మ్స్ సంస్థ నిర్మించిన ఈ సినిమాలోని దోపిడీ సీన్స్ ప్రేక్షకులను విశేషంగా అలరించాయి. ధూమ్ సిరీస్ లో ఉండే విశేషం ఏంటంటే ఈ సినిమాలోని విలన్ పాత్ర ఆడియెన్స్ పాయింట్ ఆఫ్ వ్యూ లో హీరో. విలన్ దోపిడీలు, దొంగతనాలకు ఆడియెన్స్ మెస్మరైజ్ అయ్యారు.
Also Read: Gabbar singh: ‘అన్నయ్య’ రికార్డును బద్దలు కొట్టబోతున్న ‘తమ్ముడు’..
మొదటి భాగం నుండి ధూమ్ లో నటించే విలన్స్ అంటే ఓ సెపరేట్ క్రేజ్. ఫస్ట్ సిరీస్ లో జాన్ అబ్రహం విలన్ గా నటించి మెప్పించాడు. ధూమ్ 2 లో హృతిక్ రోషన్ విన్యాసాలు అయితే ఆడియన్స్ తో విజిల్స్ కొట్టించాయి. ఇక ధూమ్ సిరీస్ లో వచ్చిన మూడవ సీరిస్ ధూమ్ -3 లో అమీర్ ఖాన్ విలన్ రోల్ లో కనిపించాడు. తాజగా వినిపిస్తున్న బీ టౌన్ సమాచారం మేరకు ధూమ్ – 4 ను తెరకెక్కించేందుకు యష్ రాజ్ ఫిల్మ్స్ ఏర్పాట్లు చేస్తున్నట్టు తెలుస్తోంది. దీంతో ధూమ్ పేరుతో సోషల్ మీడియా ట్రేండింగ్ నిర్వహించారు ఫ్యాన్స్. ఇక్కడ ఇంకో ఆసక్తికరమైన వార్త ఏంటంటే ధూమ్ – 4లో విలన్ రోల్ లో బాలీవుడ్ బాద్ షా షారుక్ ఖాన్ కనిపించబోతున్నాడని టాక్. ఇదే జరిగితే బాక్సాఫీస్ రికార్డులు బద్దలు అవ్వడం ఖాయం అనే చెప్పాలి. దీనిపై అధికారక ప్రకటన కోసం ఫ్యాన్స్ ఎదురుచూస్తున్నారు.