శేఖర్ కమ్ముల దర్శకత్వంలో ధనుష్ ఒక సినిమా చేస్తున్న సంగతి తెలిసిందే. ఈ సినిమాలో నాగార్జున కూడా ఒక కీలక పాత్రలో నటిస్తున్నాడు. ఇక వీరిద్దరూ కలిసి చేస్తున్న ఈ సినిమాకి సంబంధించిన షూటింగ్ వల్ల తిరుమలలో రోడ్లు జామయ్యాయి అని వార్తలు కూడా వచ్చాయి. అయితే ఈ సినిమా గురించి ఒక ఆసక్తికరమైన వార్త వెలుగులోకి వచ్చింది. అదేంటంటే ఈ సినిమాకి ధారావి అనే టైటిల్ ఫిక్స్ చేయబోతున్నట్లు ప్రచారం జరుగుతోంది. ధారావి అనగానే కచ్చితంగా అందరికీ ముంబై సిటీ గుర్తొస్తుంది. ఎందుకంటే అది ముంబై సిటీ లోనే కాదు ప్రపంచవ్యాప్తంగా అతిపెద్ద స్లమ్ ఏరియాస్ లో ఒకటిగా పేరు తెచ్చుకుంది. ఇక ఈ సినిమాకి అదే టైటిల్ ఫిక్స్ చేయబోతున్నారని, త్వరలోనే అధికారికంగా ప్రకటించబోతున్నారని ప్రచారం జరుగుతోంది.
ఇక ఈ సినిమా ముంబై బ్యాక్ డ్రాప్ లో తెరకెక్కబోతుంది అని సినిమాలో నాగార్జున ఒక డాన్ పాత్రలో కనిపించబోతున్నాడు అని తెలుస్తోంది. గతంలోనే నాగార్జున డాన్ అనే సినిమా చేసి మంచి క్రేజ్ తెచ్చుకున్నాడు. చాలా కాలం తర్వాత ఇప్పుడు మళ్లీ అలాంటి డాన్ పాత్రలో ఆయన నటించబోతూ ఉండడం గమనార్హం. ఈ సినిమాని నారాయణ్ దాస్ కె నారంగ్ ఆశీస్సులతో శ్రీ వెంకటేశ్వర సినిమాస్ LLP (ఏషియన్ గ్రూప్ యూనిట్), అమిగోస్ క్రియేషన్స్ ప్రైవేట్ లిమిటెడ్‌ బ్యానర్స్ పై సునీల్ నారంగ్, పుస్కుర్ రామ్ మోహన్ రావులు నిర్మిస్తుండగా సోనాలి నారంగ్ సమర్పిస్తున్నారు. ఈ సినిమాకి రాక్‌స్టార్ దేవి శ్రీ ప్రసాద్ సంగీతం సమకూరుస్తున్నారు. రష్మిక మందన్న కథానాయికగా నటిస్తున్న ఈ సినిమాకి నికేత్ బొమ్మి సినిమాటోగ్రఫీ అందిస్తున్నారు.