Devara Hype going on Creating Buzz: దేవర క్రేజ్ చూస్తుంటే ఎవరికైనా మైండ్ బ్లాక్ అయ్యేలా అనిపిస్తోంది. అనిరుధ్ మ్యూజిక్ అందిస్తున్న ఈ సినిమా పాటలకు వస్తున్న రెస్పాన్స్ కూడా ఒక రేంజ్ లో ఉంది. ముఖ్యంగా మన దేశంలో కంటే ఇతర దేశాల్లో అయితే దేవర్ క్రేజ్ నెక్స్ట్ లెవల్ అనేలా ఉంది. అమెరికాలో అనిరుధ్ చేసిన మ్యూజిక్ కన్సర్ట్లో దేవర పాటలకు ఊగిపోయారు ఆడియెన్స్. అందుకు సంబంధించిన వీడియోలను చిత్ర యూనిట్ కూడా షేర్ చేసుకుంది. ఇక చుట్టమల్లే సాంగ్ యూట్యూబ్లో.. ఇప్పటికే 110 మిలియన్ వ్యూస్ రాబట్టి.. మ్యూజిక్ కేటగిరీలో మూడు వారాల తర్వాత కూడా టాప్ ట్రెండ్ అవుతోంది. ఇలా సోషల్ మీడియాను షేక్ చేస్తునే ఉంది దేవర. అదే సమయంలో దేవర థర్డ్ సాంగ్ అప్డేట్ కూడా వైరల్ అవుతోంది.
Naga Chaitanya: పెళ్లి అలాగే చేసుకుంటా.. నాగచైతన్య ఇంట్రెస్టింగ్ కామెంట్స్
దేవర నుండి మూడవ లిరికల్ సాంగ్ను వినాయక చవితి సందర్భంగా సెప్టెంబర్ 7న రిలీజ్ చేయనున్నట్లు చెబుతున్నారు. అయితే ఈ విషయంలో సినిమా యూనిట్ నుంచి దీని పై క్లారిటీ రావాల్సి ఉంది. కానీ ఈసారి దేవర నుంచి రాబోయే పాట ఎలా ఉండబోతుందనే ఎగ్జైట్మెంట్తో ఉన్నారు అభిమానులు. ఎందుకంటే.. ఈ మధ్య ఈ సాంగ్ గురించి లిరిక్ రైటర్ రామజోగయ్య శాస్త్రి చేస్తున్న ట్వీట్లు అలా ఉన్నాయి మరి. మూడో పాట పాట కు మించిన ఆట, కన్నుల పండుగ, ఒక ఆట ఆడుకున్నాడట తారకరాముడు. ఎప్పుడని అడక్కండి ఎప్పుడొచ్చినా భీభత్సమే ❤️ పక్కా ఈ ఆల్బమ్ వేరే లెవెల్ అంతే అని ముందు ట్వీట్ చేయగా ఆ తరువాత మూడోది పాట మాత్రమే కాదు అంతకుమించి ❤️అంటూ మరో ట్వీట్ చేశారు. ఇక సాంగ్ గురించి చెప్పి హైప్ ఎక్కిస్తారు కానీ డేట్ అయితే చెప్పరు అని ఒక నెటిజన్ అడిగితే అది నాక్కూడా తెలీదురా నాయనా అయినా ఇంకెన్నాళ్లు ఆపుతారులే మహా అయితే ఓ రెండు మూడు రోజులు సెప్టెంబర్ వచ్చేస్తోందిగా అంటూ రాసుకొచ్చాడు.
ఇక ఈ మధ్య సినిమా యూనిట్ ఆయుధ పూజకు సంబంధించిన సాంగ్ ఒకటి షూట్ చేశామని.. ఆ పాటకు అంతా పోతారు అనేలా హైప్ ఎక్కించారు. అంతేకాదు.. ఓ 20-30 సెకన్ల బిట్ కూడా లీక్ అవగా.. ఆయుధ పూజ పై అంచనాలు తారాస్థాయికి వెళ్లిపోయాయి. ఇప్పుడు ఇదే సాంగ్ను రిలీజ్ చేస్తారా? లేదంటే మరో కొత్త పాటను విడుదల చేస్తారా? అనేది తెలియాల్సి ఉంది. ఇక జాన్వీ కపూర్ హీరోయిన్గా నటిస్తున్న ఈ సినిమాను కొరటాల శివ ఎంతో ప్రతిష్టాత్మకంగా తెరకెక్కిస్తున్నాడు. సెప్టెంబర్ 27న దేవర పార్ట్ 1 రిలీజ్ కానుంది. దీంతో.. ప్రమోషన్స్ చేయడానికి రెడీ అవుతున్నారు మేకర్స్. ఏదేమైనా.. దేవర పై అంచనాలు మామూలుగా లేవనే చెప్పాలి.
