పాన్ కార్డ్ దరఖాస్తు కోసం కేంద్ర ప్రభుత్వ వెబ్‌సైట్ తమిళంలో కూడా అందుబాటులో ఉండాలని నటుడు విజయ్ సేతుపతి అభ్యర్థించారు. మదురైలోని తముక్కం మైదాన్‌లో ఆదాయపు పన్ను శాఖ 3 రోజుల పాటు పన్ను చెల్లింపుదారుల కోసం ప్రత్యేక శిబిరాన్ని నిర్వహిస్తోంది. ఈ శిబిరానికి ప్రత్యేక అతిథిగా హాజరైన నటుడు విజయ్ సేతుపతి.. ఆదాయపు పన్నుకు సంబంధించిన వెబ్‌సైట్లు తమిళంలో ఉండాలని అన్నారు. “నేను నా చదువును పూర్తి చేసి ఒక చార్టర్డ్ అకౌంటెంట్ ఆడిటర్‌తో పనిచేశా. అప్పుడు నాకు అర్ధమైన విష్యం ఏమిటంటే ప్రభుత్వానికి సంబంధించిన సమాచారాన్ని కనుగొనడం చాలా కష్టం. `ప్రభుత్వం నుంచి ఎలాంటి సమాచారం రావాలంటే ఎవరిని సంప్రదించాలో తెలుసుకోవడం చాలా కష్టంగా ఉండేది.
Nani: నాని ఇంత చీప్ పని చేస్తావా.. నిర్మాత ఫైర్!
ఇప్పుడు మనం సులువుగా తెలుసుకునేలా, అందరికీ అర్థమయ్యేలా వెబ్‌సైట్ ప్రారంభించడం, పాన్ కార్డ్ ఎలా అప్లై చేయాలి, అందులో ఏమేమి సమస్య ఉందో పిల్లలకు అర్థమయ్యేలా కార్టూన్ రూపంలో వివరాలను ఆదాయపు పన్ను శాఖ అందించడం అభినందనీయం అని అన్నారు. నేను పాన్ కార్డ్ దరఖాస్తు చేయాలనుకుంటే, అది ఇంగ్లీష్ మరియు హిందీలో మాత్రమే ఉంటుంది. తమిళంలో ఉంటే ఇక్కడి జనాలకు సులువుగా యాక్సిస్ అవుతుంది” అన్నారు. అంతేకాదు ఆయన మాట్లాడుతూ సాధారణ ఆదాయపు పన్ను చెల్లింపుదారులు ఎప్పుడైనా ఆదాయం లేకుండా ఉంటే వారికి సహాయం చేయడానికి ప్రభుత్వం ముందుకు రావాలని అభ్యర్థించారు. ఆదాయపు పన్ను కట్టడం అందరి కర్తవ్యమని విజయ్ సేతుపతి అన్నారు.
