Bharateeyudu 2 Pre Release Event: లోకనాయకుడు కమల్హాసన్ ప్రధాన పాత్రలో సెన్సేషనల్ డైరెక్టర్ శంకర్ దర్శకత్వంలో రూపుదిద్దుకున్న భారీ చిత్రం ‘భారతీయుడు 2’. ఈ భారీ చిత్రం ప్రపంచవ్యాప్తంగా తెలుగు, తమిళ, హిందీ భాషల్లో జూలై 12న ఈ చిత్రం గ్రాండ్ లెవెల్లో విడుదల కానుంది. హైదరాబాద్లోని ఎన్ కన్వె్షన్ సెంటర్లో ‘భారతీయుడు 2’ ప్రీ రిలీజ్ ఈవెంట్ గ్రాండ్గా జరుగుతుంది. సాయంత్రం ఆరు గంటల నుంచి ఎన్ కన్వెన్షన్లో భారతీయుడు 2 వేడుక ప్రారంభం అయ్యింది. ఈ వేడుకకు భారతీయుడు-2 తారాగణం విచ్చేసింది. యూనివర్సల్ హీరో కమల్ హాసన్, దర్శకుడు శంకర్, నిర్మాత, లైకా ప్రొడక్షన్స్ అధినేత సుభాస్కరన్, యువ హీరో సిద్ధార్థ్, సముద్రఖని, ఎస్.జె.సూర్య, బాబీ సింహా తదితరులు ఈ వేడుకకు విచ్చేశారు. 28 ఏళ్ల ముందు కమల్, శంకర్ కాంబోలో వచ్చిన బ్లాక్ బస్టర్ మూవీ భారతీయుడు చిత్రానికి సీక్వెల్గా తెరకెక్కిన భారతీయుడు-2 చిత్రంపై భారీ అంచనాలు ఉన్నాయి. ప్రీ రిలీజ్ ఈవెంట్లో ట్రైలర్ను కూడా ప్రదర్శించారు.
Read Also: Praneeth Hanumanthu: తండ్రీ కూతుళ్లపై అనుచిత వ్యాఖ్యలు.. నటుడిపై కేసు
అగ్ర నిర్మాణ సంస్థ లైకా ప్రొడక్షన్స్తో పాటు ప్రముఖ నిర్మాణ సంస్థ రెడ్ జెయింట్ బ్యానర్పై సుభాస్కరన్ నిర్మించిన భారీ బడ్జెట్ చిత్రం ‘భారతీయుడు 2’. ఈ మూవీ తెలుగు థియేట్రికల్ హక్కులను ఏషియన్ సురేష్ ఎంటర్టైన్మెంట్స్ ఎల్ఎల్పీ, సీడెడ్ హక్కులను శ్రీలక్ష్మి మూవీస్ సంస్థలు దక్కించుకున్నాయి. ఇప్పటికే విడుదలైన పాటలు, భారతీయుడు-2 ఇంట్రో గ్లింప్స్, ట్రైలర్తో సినిమాపై అంచనాలు నెక్ట్స్ రేంజ్కు చేరుకున్నాయి. ఈ చిత్రంలో కమల్ హాసన్తో పాటు సిద్ధార్థ్, రకుల్ ప్రీత్ సింగ్, కాజల్ అగర్వాల్, ప్రియా భవానీ శంకర్, ఎస్జే సూర్య, బాబీ సింహా, బ్రహ్మానందం, సముద్రఖని, గుల్షన్ గ్రోవర్ తదితరులు నటించారు. ఈ సినిమాకు అనిరుధ్ రవిచందర్ సంగీతం అందించారు. రవివర్మన్ సినిమాటోగ్రఫీ అందించారు. ఈ సినిమా కోసం అభిమానులు ఎదురుచూస్తు్న్నారు. ‘భారతీయుడు 2’ సినిమా ప్రపంచంలో ఓ సరికొత్త మైలురాయిని క్రియేట్ చేయటానికి సిద్ధంగా ఉంది.
