Balakrishna: బాలయ్యా.. ఏందయ్యా ఈ జోరు.. కుర్ర హీరోలతో పోటీనా?

Balakrishna will begin two new films after NBK 109: నందమూరి బాలకృష్ణ ఒకపక్క సినిమాలు చేస్తూనే మరొక ఒక రాజకీయాలు చేస్తూ బిజీ బిజీగా ఉన్నాడు. 2024 ఎన్నికల్లో తెలుగుదేశం పార్టీ తరపున హిందూ ఎమ్మెల్యే అభ్యర్థిగా పోటీ చేసిన ఆయన ముచ్చటగా మూడోసారి భారీ మెజారిటీతో గెలుపొందాడు. ఇక ఎన్నికలు పూర్తి కావడంతో ఆయన తన ఫోకస్ అంతా సినిమాల మీదకు షిఫ్ట్ చేశాడు. అందుకే ఒకపక్క ఆంధ్రప్రదేశ్ అసెంబ్లీ సెషన్స్ జరుగుతున్నా సరే ఆయన వాటికి హాజరుకాకుండా తన సినిమా షూటింగ్లో బిజీగా ఉన్నాడు. ప్రస్తుతానికి బాలకృష్ణ హీరోగా నటిస్తున్న నందమూరి బాలకృష్ణ 109 సినిమా షూటింగ్ రాజస్థాన్ లో జరుగుతోంది. బాబీ దర్శకత్వంలో ఈ సినిమాని భారీ బడ్జెట్ తో సితార ఎంటర్టైన్మెంట్ సంస్థతో కలిసి హారిక హాసిని సంస్థ నిర్మిస్తోంది. ఈ సినిమాని అక్టోబర్ లేదా నవంబర్ కి పూర్తి చేసి మంచి రిలీజ్ డేట్కు దింపాలని నిర్మాతలు భావిస్తున్నారు. ఇక ఈ సినిమా సంగతి పక్కన పెడితే సినిమా అయిపోయిన వెంటనే బాలకృష్ణ రెండు సినిమాలు ఒకేసారి మొదలుపెట్టబోతున్నట్లుగా టాలీవుడ్ వర్గాల్లో ప్రచారం జరుగుతోంది.

Shruti Haasan: అప్పుడే పదిహేనేళ్లా? డాటర్ ఆఫ్ కమల్ టు శృతి జర్నీ!

అందులో ఒకటి అఖండ 2. ఈ సినిమాని అఖండ ప్రొడ్యూసర్ మిరియాల రవీందర్ రెడ్డి కాకుండా 14 రీల్స్ ప్లస్ ఎంటర్టైన్మెంట్ సంస్థకు చెందిన గోపి ఆచంట, రామ్ ఆచంట నిర్మించబోతున్నట్లుగా తెలుస్తోంది. ఈ సినిమాతో బాలకృష్ణ చిన్న కుమార్తె తేజస్విని నిర్మాణ రంగంలోకి అడుగుపెడుతోంది. ఆమె ఈ సినిమాకి కో ప్రొడ్యూసర్ గా వ్యవహరించబోతోంది. ఈ బోయపాటి సినిమాతో పాటు బాలకృష్ణ మరొక సినిమా కూడా మొదలు పెట్టబోతున్నట్లుగా తెలుస్తోంది. దిల్ రాజు నిర్మించబోతున్న ఈ సినిమాకి దర్శకుడు ఎవరు అనే విషయం మీద ప్రస్తుతానికి సస్పెన్స్ కొనసాగుతోంది. కాబట్టి అనౌన్స్ చేసే సమయంలో డైరెక్టర్ ఎవరు అనే విషయం మీద క్లారిటీ వచ్చే అవకాశం ఉంది. ఇక బాలకృష్ణ ఊపు చూస్తుంటే కుర్ర హీరోలతో పోటీ పడుతున్నాడా అని అనిపించక మానదు. అయితే కుర్ర హీరోలే ఆచితూచి సినిమాలు చేస్తుంటే బాలకృష్ణ మాత్రం మంచి జోష్ లో సినిమాలు చేస్తూ వరుస హిట్లు కొడుతూ దూసుకుపోతున్నాడు.