Tollywood: కైపెక్కించే భామలు కావాలంటే టాలీవుడ్ చూపు ఇంకా అటు వైపే!

భారీ బడ్జెట్ చిత్రాలకు కేర్ ఆఫ్ అడ్రెస్ అయిన టాలీవుడ్, హీరోయిన్ల విషయానికి వచ్చేసరికి మాత్రం బీ టౌన్ వైపు చూస్తుంది. నార్త్ బెల్ట్ మార్కెట్ ను కొల్లగొట్టేందుకు బాలీవుడ్ నుంచి కలర్ఫుల్ భామల్ని బరిలోకి దింపుతున్నారు ఇక్కడ డైరెక్టర్స్. టాలీవుడ్ భారీ బడ్జెట్ సినిమాలు తీస్తుంటే హీరోలు ఇక్కడి వాళ్లే, కానీ హీరోయిన్స్ కోసం బాలీవుడ్ వైపు చూస్తుంది. ట్రిపుల్ ఆర్ తో నేషనల్, ఇంటర్నేషనల్ బ్యూటీలను దర్శక ధీరుడు రాజమౌళి తీసుకువచ్చి సక్సీడ్ కావడంతో, మిగిలిన టీ టౌన్ దర్శకులు కూడా నార్త్ కలర్ఫుల్ భామల వైపే చూస్తున్నారు. కల్కితో దీపికా పదుకొణె, దేవరతో జాన్వీని పట్టుకొచ్చారు. అంతకుముందు కియారా, శ్రద్ధా కూడా ఎంట్రీ తీసుకున్నారు. ఇప్పుడు రాజమౌళి తన అప్ కమింగ్ ‘వారణాసి’ కోసం హాలీవుడ్ లో సెటిల్ అయిన బాలీవుడ్ బ్యూటీ ప్రియాంకను పట్టుకొచ్చాడు.

అట్లీ, బన్నీ హై బడ్జెట్ మూవీ ‘రాకా’లో దీపికా పదుకొణెతో పాటు జాన్వీ ఫిక్స్ అయినట్లు టాక్. అలాగే లోకేష్ కనకరాజ్ దర్శకత్వంలో తెరకెక్కబోయే ఏ23 లోనూ బాలీవుడ్ బ్యూటీని తెచ్చే యోచనలో టీం ఉన్నట్లు తెలుస్తుంది. ఇక స్పిరిట్ నుండి దీపిక తప్పుకోవడంతో, మరో బాలీవుడ్ రైజింగ్ బ్యూటీ తృప్తి దిమ్రిని ఫైనల్ చేశాడు వంగా. కల్కి 2 కోసం ఆల్ఫా బ్యూటీని పట్టుకొస్తున్నాడట నాగ్ అశ్విన్. ఇప్పుడు బుచ్చిబాబు గురువు సుకుమార్ కూడా రామ్ చరణ్ సినిమా కోసం బాలీవుడ్ బ్యూటీ వైపే చూస్తున్నాడని టాక్. గతంలో ‘స్త్రీ 2’ బ్యూటీ శ్రద్ధా పేరు వినిపించింది. అయితే పుష్ప 2 లో స్పెషల్ సాంగ్ కోసం అప్రోచ్ అయితే ఏకంగా ఆరు కోట్లు అడగడంతో షాక్ కి గురైన సుకుమార్ ఆమెను పక్కన పెట్టేసాడని సమాచారం. అయినప్పటికీ బీటౌన్ మార్కెట్ దృష్టిలో పెట్టుకొని నార్త్ బ్యూటీ వైపే చూస్తున్నాడని టాక్. చరణ్ కోసం సుక్కు నార్త్ బ్యూటీని తెస్తాడా, సౌత్ భామతో సరిపెట్టేస్తాడా?