Aswani Dutt: అమితాబ్ చేసిన దానికి తల కొట్టేసినట్టనిపించింది.. కానీ హ్యాట్సాఫ్!!

Aswani Dutt Comments on Amitabh touching his feet: కల్కి సినిమా ప్రీ రిలీజ్ ఈవెంట్ ముంబైలో జరుగుతున్న సమయంలో అమితాబచ్చన్ సినీ నిర్మాత అశ్వనీదత్ కాళ్ళ మీద పడేందుకు ప్రయత్నించిన ఘటన సోషల్ మీడియాలో విపరీతంగా వైరల్ అయింది. వెంటనే అశ్వినీ దత్ కూడా అమితాబ్ కాళ్ళను పట్టుకునే ప్రయత్నం చేశారు. అయితే ఇదే విషయం మీద సోషల్ మీడియా వేదికగా ఇప్పటికే అశ్వినీ దత్ స్పందించారు. అయితే తాజాగా మీడియాతో ముచ్చటిస్తున్న నేపథ్యంలో అప్పుడు ఆయన ఫీలింగ్ ఏమిటనేది వెల్లడించారు. నిజానికి అమితాబ్ బచ్చన్ అప్పుడప్పుడు షూటింగ్ సమయంలో తనకు గౌరవ సూచకంగా నమస్కారం చేసేవాళ్లని నేను కూడా ఆయనకు నమస్కారం చేసేవాడినని ఆయన అన్నారు.

Kalki 2898 AD : ఇంకా కల్కి సినిమా చూడని అశ్వని దత్.. రీజన్ ఏంటో తెలుసా?

అయితే స్టేజ్ మీద అలా చేస్తారని అనుకోలేదు ఆయన చేసిన పనికి నాకు తల కొట్టేసినంత పని అయింది అంటూ అశ్విని దత్ వెల్లడించారు. నేను మిమ్మల్ని ఇలా విష్ చేయాలనుకుంటున్నాను అని చెప్పి మరీ చేశారు ఆ క్షణానికి తలకొట్టేసినంత పనైతే అయింది అంటూ అశ్విని దత్ కామెంట్ చేశారు. అయితే అలా చేసినందుకు మాత్రం ఆయనకు హ్యాట్సాఫ్ చెప్పాల్సిందే అంత పెద్ద నటుడు, ఎంత పెద్ద స్టేచర్!! అవేమీ చూసుకోకుండా నిర్మాతగా నన్ను నా సీనియారిటీని గుర్తించి అలా చేయడం చాలా గ్రేట్ అంటూ అశ్విని దత్ పేర్కొన్నారు. ఇక కల్కి సినిమా గురించి కూడా ఆయన పలు ఆసక్తికర విషయాలను ఈ ఇంటర్వ్యూలో పంచుకున్నారు.