Arbaaz Khan: ఓంకార్ తమ్ముడి కోసం సల్మాన్ ఖాన్ తమ్ముడు

Arbaaz Khan to act in Ashwin Babu Apsar Film: యాంకర్ ఓంకార్ తమ్ముడిగా సినీ రంగ ప్రవేశం చేసిన అశ్విన్ బాబు జీనియస్ అనే సినిమాతో హీరోగా నిలదొక్కుకునే ప్రయత్నం చేశాడు. ఆ సినిమా అంతగా ఆడకపోయినా ఆ తరువాత అనేక సినిమాలతో టాలీవుడ్ లో హీరోగా కొనసాగే ప్రయత్నం చేశాడు. ఎన్నో సినిమాల తర్వాత ఆయన హిడింబా అనే సినిమాలతో హిట్ కొట్టాడు. అనిల్ కన్నెగంటి దర్శకత్వంలో తెరకెక్కిన ఈ సినిమా గత ఏడాది రిలీజ్ అయ్యి అశ్విన్ బాబుకి మొదటి హిట్ దక్కేలా చేసింది. ఇప్పుడు అశ్విన్ బాబు గంగా ఎంటర్టైన్మెంట్స్ బ్యానర్ లో ఒక సినిమా చేస్తున్నాడు. ఈ సినిమాకి సంబంధించి ఒక ఆసక్తికరమైన అప్డేట్ ఇచ్చింది సినిమా యూనిట్ అది ఏమిటంటే ఈ సినిమాలో ఒక కీలక పాత్ర కోసం సల్మాన్ ఖాన్ సోదరుడు అర్బాజ్ ఖాన్ ను టీంలోకి ఆహ్వానిస్తున్నట్లు సినీ యూనిట్ అధికారికంగా ప్రకటించింది.

Saripodha Sanivaram: వామ్మో.. ‘సరిపోదా శనివారం’కి కోట్లు పెట్టిన నెట్ ఫ్లిక్స్

అయితే ఆయన ఏ పాత్రలో నటిస్తున్నాడు అనే విషయం మీద ప్రస్తుతానికి క్లారిటీ లేక పోయినప్పటికీ ఆయన విలన్ పాత్రలో నటిస్తున్నాడని ప్రచారం అయితే పెద్ద ఎత్తున సోషల్ మీడియాలో వైరల్ అవుతుంది. ఈ సినిమాకి అధర్వ అనే సినిమాతో డైరెక్టర్ గా మారిన అప్సర్ డైరెక్షన్ చేస్తుండగా దిగంగన సూర్యవంశీ హీరోయిన్ గా నటిస్తోంది. సాహి సురేష్ సంగీతం అందిస్తున్న ఈ సినిమాకి సంబంధించిన మరిన్ని అప్డేట్స్ త్వరలోనే సినిమా యూనిట్ వెల్లడించే అవకాశం కనిపిస్తోంది. హిడింబా హిట్ తర్వాత అశ్విన్ బాబు చేస్తున్న సినిమా కావడంతో సినిమా మీద అంచనాలు అయితే బాగానే ఉన్నాయి.