మిస్టర్ బచ్చన్తో ఓవర్ నైట్ కుర్రాళ్ల క్రష్ బ్యూటీగా మారిన భాగ్యశ్రీ బోర్సేకి క్రేజేతే ఉంది కానీ లక్ మాత్రం ఆమడ దూరంలో ఆగిపోతోంది. కెరీర్ స్టార్టింగ్ నుండి ప్లాపులు పలకరిస్తూనే ఉన్నాయి. బాలీవుడ్లో సరైన ఐడెంటిటీ రాకపోవడంతో టాలీవుడ్లో పాతుకుపోవాలని చేస్తున్న ప్రయత్నాలు బెడిసికొడుతున్నాయి.. గ్లామర్ షోతో డామినేట్ చేస్తొంది కానీ హిట్ సౌండ్ వినలేకపోతోంది. మిస్టర్ బచ్చన్ డిజాస్టర్ అయితే.. ఈ ఏడాది వచ్చిన కింగ్డమ్ ఆమెను నిరాశపర్చింది.
Also Read : Darling : ప్రభాస్.. ప్రేమ్ రక్షిత్.. రెగ్యులర్ సినిమా కాదు గురు.. ఇది వేరే లేవల్
ఆ సినిమాతో మరో ప్లాప్ ఆమె ఖాతాలో పడి కెరీర్ని డైలామాలో పడేసింది. దాంతో ఆశలన్నీ దుల్కర్ సల్మాన్ పైనే పెట్టుకుంది. రానా, దుల్కర్ కాంబోలో నటించిన కాంత ఈ నెల 14న వరల్డ్ వైడ్ గా రిలీజ్ అయింది. భారీ అంచనాల మధ్య వచ్చిన ఈ సినిమా ప్లాప్ టాక్ తెచ్చుకుంది. అటు కలెక్షన్స్ కూడా ఆశించిన మేరకు లేవు. ఈ రిజల్ట్ తో భాగ్యం ఖాతాలో మరో ప్లాప్ పడింది. కాంత సినిమాతో టాలీవుడ్ లో హ్యాట్రిక్ ప్లాప్స్ అందుకుంది ఈ నార్త్ బ్యూటీ. ఇక ఇప్పుడు ఈ బ్యూటీ ఆశలన్నీ ఆంధ్ర కింగ్ తాలూకా పైనే. రెడ్ తర్వాత హిట్టే చూడని రామ్ పోతినేనితో జోడీ కడుతోంది భాగ్యశ్రీ బోర్సే.నవంబర్ 28న ప్రేక్షకుల ముందుకు వస్తున్న ఈ సినిమా హిట్ కొట్టడం అటు రామ్ పోతినేని, ఇటు భాగ్యశ్రీకి ఇంపార్టెంట్. ఆ మధ్య రిలీజ్ చేసిన సాంగ్స్, రీసెంట్లీ వదిలిన టీజర్ మూవీపై ఇంపాక్ట్ క్రియేట్ చేయగలుగుతున్నాయి. మరి ఆడియన్స్ను ఏమాత్రం మెప్పిస్తుందో చూడాలి.