‘Raaka’ Glimpse: ‘రాకా’ ఫ్యాన్స్‌కు షాక్.. ఇప్పటి వరకు ఊరించిందంతా ఉత్తిదేనా?

‘Raaka’ Glimpse: ఐకాన్ స్టార్ అల్లు అర్జున్ హీరోగా, స్టార్ డైరెక్టర్ అట్లీ అత్యంత ప్రతిష్ఠాత్మకంగా తెరకెక్కిస్తున్న భారీ పాన్ ఇండియా చిత్రం ‘రాకా’. ఈ చిత్రానికి సంబంధించిన ఏ అప్డేట్ బయటికి వచ్చిన సోషల్ మీడియాలో తెగ వైరల్ అవుతుంది. ఇదే సమయంలో గత కొద్ది రోజులుగా ఈ సినిమాకు సంబంధించిన పలు ఊహాగానాలు నెట్టింట తెగ చక్కర్లు కొడుతున్నాయి. ముఖ్యంగా ఈ నెలలో రాకా నుంచి స్పెషల్ గ్లింప్స్ లేదా వీడియో అప్‌డేట్ రానుందనే ప్రచారం అభిమానుల్లో భారీ అంచనాలు పెంచింది. అయితే తాజా సమాచారం ప్రకారం.. ఈ ప్రచారంలో ఎలాంటి నిజం లేదని తెలుస్తోంది. ఇండస్ట్రీ వర్గాల సమాచారం ప్రకారం.. ప్రస్తుతం సన్ పిక్చర్స్ ఈ నెలలో రాకా సినిమా నుంచి ఎలాంటి స్పెషల్ గ్లింప్స్ లేదా వీడియో కంటెంట్‌ను రిలీజ్ చేసే ఆలోచనలో లేదని తెలుస్తోంది. దీంతో ఈ నెలలో గ్లింప్స్ వస్తుందన్న ప్రచారానికి దాదాపు తెరపడినట్టే అని సమాచారం.

ప్రస్తుతం చిత్రబృందం పూర్తిగా షూటింగ్ పూర్తి చేయడంపైనే వారి దృష్టి పెట్టినట్లు సమాచారం. ఇదే సమయంలో ఈ సినిమాను రెండు పార్ట్స్‌గా తెరకెక్కించే ప్రణాళికలను కూడా మరింత పకడ్బందీగా అమలు చేస్తున్నట్లు టాక్ వినిపిస్తోంది. ఈ మార్పులతో సినిమా బడ్జెట్ కూడా గణనీయంగా పెరిగిందట. ఈ సినిమా బడ్జెట్ దాదాపు రూ.1,000 కోట్ల వరకు చేరినట్లు ఇండస్ట్రీలో జోరుగా ప్రచారం జరుగుతోంది. అయితే ఈ విషయాలపై చిత్రబృందం నుంచి ఇప్పటివరకు ఎలాంటి అధికారిక ప్రకటన బయటికి రాలేదు. అల్లు అర్జున్ నెక్ట్స్ బర్త్ డే అయిన 2027 ఏప్రిల్ 8 వరకు ఈ సినిమా నుంచి ఎలాంటి వీడియో విడుదలయ్యే అవకాశం లేదని చెబుతున్నారు. చూడాలి మరి మేకర్స్ దీనిపై ఎలా రియాక్ట్ అవుతారనే దానిపై.