Chandrasekhar Reddy: గేట్లు బద్దలు కొట్టి, సెక్యూరిటీని బెదిరించి.. అల్లు అర్జున్ మామ దౌర్జన్యం..?
- Follow Us :
-
-
Add as a preferred
source on google
హైదరాబాద్లోని అత్యంత కీలకమైన ఐటీ కారిడార్ నానక్రామ్గూడలో చోటుచేసుకున్న ఓ రియల్ ఎస్టేట్ వివాదం తీవ్ర కలకలం రేపుతోంది. ఏకంగా టాలీవుడ్ అగ్ర హీరో, ఐకాన్ స్టార్ అల్లు అర్జున్ మామ కంచర్ల చంద్రశేఖర్ రెడ్డిపై గచ్చిబౌలి పోలీస్ స్టేషన్లో దౌర్జన్యం కేసు నమోదు కావడం ఇప్పుడు హాట్ టాపిక్గా మారింది. పలు MNCs కొలువుదీరిన ఒక ‘స్పెషల్ ఎకనామిక్ జోన్’లో సెక్యూరిటీని బెదిరించి, గేట్లు బద్దలు కొట్టి కబ్జాకు యత్నించడం పారిశ్రామిక, సినీ వర్గాల్లో సంచలనంగా మారింది. నానక్రామ్గూడ సర్వే నంబర్ 130లో ‘మంత్రీ కాస్మోస్’ అనే ప్రతిష్టాత్మక ఐటీ భవనం ఉంది. ఉదయం సుమారు 8.40 గంటల సమయంలో మురళీధర్ రెడ్డి, గడ్డం రవి అనే వ్యక్తుల నేతృత్వంలో కొందరు దుండగులు భవన ప్రాంగణంలోని సౌత్వెస్ట్ కార్నర్ గేట్ వద్దకు చేరుకున్నారు. అకస్మాత్తుగా గేటు తాళాలు పగులగొట్టి లోపలికి చొరబడ్డారు. అక్కడున్న కొన్ని నిర్మాణాలను ధ్వంసం చేసి, ఆ స్థలాన్ని తమ గుప్పెట్లోకి తీసుకునేందుకు హడావుడిగా టిన్ షీట్లతో కంచెలు వేసేశారు.
అడ్డుకోబోయిన సెక్యూరిటీ సిబ్బందిని నెట్టివేసి భౌతిక దాడికి దిగడమే కాకుండా.. తమ పనులకు అడ్డువస్తే తీవ్ర పరిణామాలు ఉంటాయని వార్నింగ్ ఇచ్చారు. ఈ వ్యవహారంలో అల్లు అర్జున్ మామ కే. చంద్రశేఖర్ రెడ్డితో పాటు మురళీధర్ రెడ్డి, గడ్డం రవి తదితరుల పేర్లను చేరుస్తూ మంత్రీ కాస్మోస్ ఓనర్స్ అసోసియేషన్ ప్రతినిధి పెద్దిరాజు పోలీసులకు అధికారికంగా ఫిర్యాదు చేశారు. దుండగులు ఆక్రమించిన స్థలం సాధారణమైనది కాదు. ఈ భవనం ప్రభుత్వ గుర్తింపు పొందిన SEZ. దీని దక్షిణ భాగంలో భారీ విద్యుత్ ట్రాన్స్ఫార్మర్లు, జనరేటర్లు, వ్యర్థాల నిర్వహణ షెడ్లు ఉన్నాయి. ఒకవేళ అగ్నిప్రమాదం లాంటి అత్యవసర పరిస్థితి వస్తే ఫైర్ ఇంజిన్లు లోపలికి వెళ్లాలన్నా, నీటి ట్యాంకర్లు రాకపోకలు సాగించాలన్నా దుండగులు మూసేసిన ఈ సౌత్వెస్ట్ మార్గమే ఏకైక దిక్కు. ఇప్పుడు ఈ మార్గాన్ని ఆక్రమించడం వల్ల భవనంలోని ఐటీ సంస్థల కార్యకలాపాలకు, అత్యవసర సేవలకు తీవ్ర అంతరాయం కలగడంతో పాటు వేలాది మంది ప్రాణాలకు ముప్పు వాటిల్లుతుందని ఓనర్స్ అసోసియేషన్ ఆందోళన వ్యక్తం చేస్తోంది.
Also Read
- Sai Pallavi: ప్లీజ్ అలా చేయొద్దు.. ధనుష్కు సాయి పల్లవి ఎమోషనల్ రిక్వెస్ట్!
- Varanasi Target: ‘వారణాసి’ ముందు బిగ్ టార్గెట్.. మహేష్-రాజమౌళి ఈజీగా కొట్టేస్తారా?
- Vishwak Sen Legacy: ప్లాన్ మార్చిన మాస్ కా దాస్.. డిసెంబర్ రేసులో విశ్వక్ లేనట్టేనా?
- Giribabu Death : నాటి జ్ఞాపకాలు తలుచుకుని బాలయ్య భావోద్వేగం, దిగ్భ్రాంతి వ్యక్తం చేసిన చిరంజీవి!
ఈ హైడ్రామాకు సంబంధించిన ప్రతి దృశ్యం ప్రాంగణంలోని సీసీటీవీ కెమెరాల్లో స్పష్టంగా రికార్డైంది. గేట్లు పగలగొట్టడం దగ్గరి నుంచి సెక్యూరిటీపై దౌర్జన్యం చేసిన విజువల్స్ అన్నీ ఓ పెన్ డ్రైవ్లో వేసి ఫిర్యాదుదారుడు పెద్దిరాజు గచ్చిబౌలి పోలీసులకు పక్కా ఆధారాలుగా సమర్పించారు. బహుళజాతి సంస్థల కార్యకలాపాలకు ఆటంకం కలగకుండా తక్షణమే భద్రత కల్పించాలని, నిందితులపై కఠిన చర్యలు తీసుకోవాలని డిమాండ్ చేశారు. ఈ దౌర్జన్య కాండపై కేవలం గచ్చిబౌలి పోలీస్ స్టేషన్లోనే కాకుండా.. డీజీపీ, సైబరాబాద్ పోలీస్ కమిషనర్, మాదాపూర్ డీసీపీ, గచ్చిబౌలి ఏసీపీలకు కూడా ఫిర్యాదు ప్రతులను అందజేశారు. స్వయానా కాంగ్రెస్ నేత కావడం, ఒక పాన్ ఇండియా స్టార్ హీరో బంధువు కావడంతో ఈ వ్యవహారంపై పోలీసులు ఎలాంటి యాక్షన్ తీసుకోబోతున్నారన్నది ఇప్పుడు సర్వత్రా ఆసక్తి రేకెత్తిస్తోంది.
తాజావార్తలు
-
Sai Pallavi: ప్లీజ్ అలా చేయొద్దు.. ధనుష్కు సాయి పల్లవి ఎమోషనల్ రిక్వెస్ట్!
-
OTR: విజయనగరం ZP పీఠం కోసం ముగ్గురి పోటీ.. చంద్రబాబు మనసులో ఎవరున్నారు..?
-
Shreyas Iyer: సంతోషం మాటల్లో చెప్పలేకపోతున్నా.. క్రెడిట్ అంతా వారిదే: శ్రేయస్ అయ్యర్
-
Pakistan BLA: పాక్ సైన్యంలో కెప్టెన్.. ఇప్పుడు బలూచ్ లిబరేషన్ ఆర్మీకి అధిపతి!
-
US-Iran Tensions: అమెరికా మరోసారి తప్పు చేస్తే.. ట్రంప్కు ఇరాన్ వార్నింగ్!
ట్రెండింగ్
-
Winter Skin Care Tips : పండ్ల తొక్కలతోనే మెరిసే అందం.. చలికాలంలో చర్మ సంరక్షణకు 6 చిట్కాలు
-
India Batters Score: భారత బ్యాటర్ల ఘోర వైఫల్యం..! టాప్ స్కోరర్గా కోహ్లీ.. అయినా 100 పరుగులు కూడా దాటలే..
-
Aaryavir Sehwag: ఫైనల్లో టెన్షన్ తట్టుకోలేకపోయా నాన్నా.. ‘సీతారాం.. సీతారాం’ అంటూ జపించా!
-
WPL 2027: కీలక అప్డేట్.. ఆ మ్యాచ్లన్నీ వాంఖడే స్టేడియంలోనే..!
-
Rohit Sharma: రెండు డకౌట్లు, 7.50 సగటు మాత్రమే.. రోహిత్ శర్మ కెరీర్లోనే చెత్త రికార్డు!