Actor Ali: అలీకి లైఫ్టైమ్ ఎఛీవ్మెంట్ అవార్డు
మన దేశంలోని అన్ని ప్రధాన భాషల్లో నటించిన ప్రముఖ నటుడు అలీ, నటుడుగా 1250 సినిమాలను పూర్తి చేసుకున్నారు. గత 16 సంవత్సరాలుగా అనేక సేవా కార్యక్రమాల ద్వారా అనేకమందికి సహాయం అందిస్తూ వస్తున్నారు. అలీ నటనా ప్రతిభ మరియు సామాజిక సేవలను గుర్తించిన కర్ణాటక మీడియా జర్నలిస్ట్ యూనియన్, గీమా సంస్థతో కలిసి, ఆయనకు లైఫ్టైమ్ అచీవ్మెంట్ అవార్డును అందజేసింది. దుబాయ్లోని ఫ్యూచర్ మ్యూజియంలో ప్రతిష్ఠాత్మకంగా జరిగిన ఈ అవార్డు వేడుక, అక్కడ తొలిసారిగా నిర్వహించబడటం గమనార్హం.
Tollywood : సినిమాలో దమ్ముంటే ట్రోల్స్ ఆపుతాయా..?
ఈ కార్యక్రమంలో అనేకమంది కన్నడ నటీనటులు, కళాకారులు, వ్యాపారవేత్తలకు గీమా సంస్థ వివిధ అవార్డులు ప్రదానం చేసింది. తెలుగు ఇండస్ట్రీ నుండి అలీ ఒక్కరే ఈ అవార్డును అందుకున్నారు. ఈ సందర్భంగా అలీ మాట్లాడుతూ, “తెలుగు ఇండస్ట్రీ నుండి నన్ను ఈ అవార్డుకు ఎంపిక చేయడం ఎంతో సంతోషాన్నిచ్చింది. ఇలాంటి అవార్డులు మాకు ప్రోత్సాహాన్ని అందించి, మరిన్ని మంచి సినిమాలు చేయడానికి మరియు నలుగురికి సహాయం చేయడానికి ప్రేరణనిస్తాయి. నన్ను ఈ అవార్డుకు ఎంపిక చేసిన ప్రతి ఒక్కరికీ నా హృదయపూర్వక ధన్యవాదాలు,” అని అన్నారు. ఈ వేడుకలో దుబాయ్కు చెందిన అనేకమంది అధికార ప్రతినిధులు, షేక్లు కూడా పాల్గొన్నారు.