Akhil Akkineni: రాజమౌళి, సుకుమార్, ప్రశాంత్ నీల్‌పై కన్నేసిన అఖిల్ అక్కినేని.. మైండ్లో పెద్ద స్కెచ్చే ఉందిగా!

Akhil Akkineni: టాలీవుడ్ మోస్ట్ హ్యాండ్‌సమ్ హీరో అఖిల్ అక్కినేని తన కెరీర్‌లో ఒక సాలిడ్ సక్సెస్, సరైన కమ్‌బ్యాక్ బ్రేక్ కోసం చాలా కాలంగా ఎదురుచూస్తున్నారు. ఈ జూలై 10న ఆయన హీరోగా తెరకెక్కిన లెనిన్ సినిమా ప్రేక్షకుల ముందుకు గ్రాండ్‌గా రాబోతుంది. ఈ క్రమంలో అఖిల్ తన నెక్ట్స్ సినిమాల లైనప్‌ విషయంలో ఒక పక్కా వ్యూహంతో, స్ట్రాంగ్ ప్లానింగ్‌తో ముందుకు సాగుతున్నట్లు ఫిలిం నగర్ వర్గాల్లో ఆసక్తికరమైన చర్చ నడుస్తోంది. ఇండస్ట్రీలోని మోస్ట్ డిమాండింగ్ అండ్ టాప్ డైరెక్టర్లతో పని చేయాలనే బలమైన కోరిక అఖిల్ మైండ్‌లో ఉందని తెలుస్తోంది.

ముఖ్యంగా టాలీవుడ్ సెన్సేషనల్ డైరెక్టర్స్ అయిన సుకుమార్, గ్లోబల్ దర్శకుడు ఎస్.ఎస్. రాజమౌళి, మాస్ పల్స్ తెలిసిన ప్రశాంత్ నీల్ వంటి టాప్ మేకర్స్‌తో భారీ ప్రాజెక్ట్స్ చేయడమే లక్ష్యంగా అఖిల్ అడుగులు వేస్తున్నారట. కథల ఎంపికలో సరికొత్త వైవిధ్యం చూపిస్తూ.. భవిష్యత్తులో ఈ క్రేజీ దర్శకులను మెప్పించేలా తనను తాను సిద్ధం చేసుకుంటున్నట్లు సమాచారం. అయితే ఇలాంటి స్టార్ డైరెక్టర్ల కాంబినేషన్ సెట్ అవ్వాలంటే ముందుగా బాక్సాఫీస్ వద్ద తన సత్తా ఏంటో నిరూపించుకోవాలని, కమర్షియల్ మార్కెట్‌ను స్ట్రాంగ్‌గా బిల్డ్ చేసుకోవాలని అఖిల్ భావిస్తున్నారట. అందుకోసమే లూజ్ ప్లానింగ్స్ పక్కన పెట్టి, కేవలం కరెక్ట్ టైమింగ్, పవర్‌ఫుల్ కంటెంట్ ఉన్న కథలపైనే పూర్తి ఫోకస్ పెడుతున్నట్లు ఇండస్ట్రీ వర్గాలు చెబుతున్నాయి. ప్రస్తుతం సితార ఎంటర్‌టైన్‌మెంట్స్ బ్యానర్‌లో భారీ అంచనాలతో వస్తున్న ‘లెనిన్’ చిత్రం అఖిల్ కెరీర్‌కు ఎంతో కీలకంగా మారిందని ట్రేడ్ వర్గాలు అభిప్రాయపడుతున్నాయి. ఈ మాస్ యాక్షన్ ఎమోషనల్ డ్రామాతో తన టాలెంట్‌ను ప్రూవ్ చేసుకుని, ఆ తర్వాతే ఆ టాప్ డైరెక్టర్ల వైపు అడుగులు వేయాలని అఖిల్ గట్టి నిశ్చయంతో ఉన్నారట.