Akhil 6: అయ్యగారు దిగుతున్నాడు.. గెట్ రెడీ

అక్కినేని కుటుంబం నుంచి వచ్చిన అఖిల్ ఇప్పటివరకు సాలిడ్ హిట్ కొట్టడానికి చాలా ప్రయత్నాలు చేశాడు. చివరిగా మోస్ట్ ఎలిజిబుల్ బ్యాచిలర్ అనే సినిమాతో ఒక మాదిరి హిట్ అందుకున్న ఆయన ఆ సినిమా తర్వాత కూడా ఎలాంటి సినిమా చేయాలా అనే సందేహంలో ఇప్పటివరకు సినిమా అనౌన్స్ చేయలేదు. అఖిల్ హీరోగా ముందు అఖిల్ అనే సినిమాతోనే తెరంగేట్రం చేశాడు. అయితే ఆ సినిమా ఆశించిన స్థాయిలో ఆడలేదు. ఆ తర్వాత అఖిల్ పలు సినిమాలు చేసినా అవి కూడా పెద్దగా వర్కౌట్ కాలేదు. చివరిగా బొమ్మరిల్లు భాస్కర్ దర్శకత్వంలో మోస్ట్ ఎలిజిబుల్ బ్యాచిలర్ అనే సినిమా చేసి ఒక మాదిరి హిట్ అందుకున్నాడు. ఇక ఇప్పుడు అఖిల్ ఆరవ సినిమా గురించి చాలాకాలం నుంచి చర్చ జరుగుతోంది.

Sridevi Biopic: నేను బతికుండగా.. శ్రీదేవి బయోపిక్‌కు అనుమతివ్వను: బోనీ

అఖిల్ ఎవరితో ఎలాంటి సినిమా చేస్తాడు అనే విషయం మీద పెద్ద ఎత్తున చర్చలు జరుగుతూ వచ్చాయి. ఎట్టకేలకు ఆ విషయం మీద క్లారిటీ వచ్చేసింది. అఖిల్ యు వి క్రియేషన్స్ బ్యానర్ లో ఒక సినిమా చేయబోతున్నాడు. సాహో సినిమాకి అసిస్టెంట్ డైరెక్టర్గా పనిచేసిన అనిల్ కుమార్ దర్శకుడిగా ఈ సినిమా తెరకెక్కబోతోంది. యు వి క్రియేషన్స్ నిర్మించబోతున్న ఈ సినిమా ఒక సోషియో ఫాంటసీ సబ్జెక్టు అనే చర్చ కూడా జరుగుతుంది. కానీ ఆ విషయం మీద క్లారిటీ రావాల్సి ఉంది. అనిల్ కుమార్ గతంలో విశ్వంభర వీడియో విషయంలో కూడా ఒకసారి వైరల్ అయ్యారు. ఇప్పుడు అనిల్ కుమార్ దర్శకుడిగా అఖిల్ సినిమా అనగానే అందరిలో ఆసక్తి పెరుగుతోంది. ఈ సినిమాకి సంబంధించిన అనౌన్స్మెంట్ రేపు ఉండే అవకాశం కనిపిస్తోంది.