‘ఏ కన్నులూ చూడనీ’ మేకింగ్ వీడియోకు 1 మిలియన్ వ్యూస్

కార్తీక్ రత్నం, కృష్ణ ప్రియ, నవీన్ చంద్ర, సాయి కుమార్ ప్రధాన పాత్రల్లో నటిస్తున్న తాజా చిత్రం ‘అర్ధశతాబ్దం’. రిషిత శ్రీ క్రియేషన్స్, 24 ఫ్రేమ్స్ సెల్యులాయిడ్ బ్యానర్లపై వీర్ ధర్మిక్ సమర్పణలో రూపొందుతోంది ఈ చిత్రం. చిట్టి కిరణ్, రామోజు, తేలు రాధాకృష్ణ సంయుక్తంగా ఈ చిత్రాన్ని నిర్మిస్తున్నారు. ఇప్పుడు సమాజంలో జరుగుతున్న ఒక మెయిన్ ఇష్యూను తీసుకుని, దానికి కమర్షియల్ ఎలిమెంట్స్ జోడించి నేటి ట్రెండ్ కు తగ్గట్లుగా ‘అర్ధశతాబ్దం’ను తెరకెక్కిస్తున్నారు. రవీంద్ర పుల్లే దర్శకత్వం వహిస్తున్న ఈ సినిమాకు స్టార్స్ నుంచి మంచి సపోర్ట్ లభిస్తోంది. ఈ చిత్రం టీజర్ ను సుకుమార్, ఫస్ట్ గ్లింప్స్ ను రానా దగ్గుబాటి, ‘ఏ కన్నులూ చూడనీ’ సాంగ్ ను రకుల్ ప్రీత్ సింగ్ విడుదల చేశారు. నౌపాల్ రాజా సంగీతం అందించిన ఈ సాంగ్ ను సిద్ శ్రీరామ్ ఆలపించారు. ‘ఏ కన్నులూ చూడనీ’ మేకింగ్ వీడియోను ఇటీవలే విడుదల చేశారు. ఈ సాంగ్ తో మేకింగ్ వీడియోకు కూడా అద్భుతమైన స్పందన వస్తోంది. ‘ఏ కన్నులూ చూడనీ’ మేకింగ్ వీడియో తాజాగా 1 మిలియన్ వ్యూస్ ను దాటేయడం విశేషం. మీరు కూడా ‘ఏ కన్నులూ చూడనీ’ మేకింగ్ వీడియోను వీక్షించండి.