Chiranjeevi: మహేష్ ‘స్పైడర్’ డైరెక్టర్ తో చిరంజీవి.. అసలు నిజం ఇదే ?
Chiranjeevi: మెగాస్టార్ చిరంజీవి ఈ ఏడాది ఒక హిట్ ను ఒక ప్లాప్ ను తన ఖాతాలో వేసుకున్నాడు. వాల్తేరు వీరయ్య తో హిట్ అందుకున్న చిరు భోళా శంకర్ సినిమాతో పరాజయాన్ని చవిచూశాడు. విజయాపజయాలు చిరుకు కొత్తేమి కాదు. అందుకే ఇవేమి పట్టించుకోకుండా చిరు తన తదుపరి సినిమాపై ఫోకస్ పెట్టేశాడు. ఇక చిరు ప్రస్తుతం కళ్యాణ్ కృష్ణ దర్శకత్వంలో ఒక సినిమా చేస్తున్న విషయం తెల్సిందే. ఈ సినిమాను చిరు కుమార్తె సుస్మిత కొణిదెల నిర్మిస్తోంది. ప్రస్తుతం చిరు మోకాలి సర్జరీ జరగడంతో కొంత గ్యాప్ వచ్చింది. త్వరలోనే ఈ సినిమా సెట్స్ మీదకు వెళ్లనుంది. ఇక ఈ నేపధ్యంలోనే ఈ సినిమాకు సంబంధించిన రూమర్ ఒకటి తెరమీదకు వచ్చింది. అదేంటంటే.. కళ్యాణ్ కృష్ణ ప్లేస్ లోకి తమిళ్ దర్శకుడు మురగదాస్ వచ్చాడని. మురగదాస్ గురించి తెలుగు ప్రేక్షకులకు పరిచయం చేయాల్సిన అవసరం లేదు. ముఖ్యంగా మహేష్ అభిమానులు మాత్రం ఆయనను అస్సలు మర్చిపోలేరు. స్పైడర్ లాంటి డిజాస్టర్ సినిమాను ఇచ్చిన డైరెక్టర్ మురగదాస్. మహేష్ కెరీర్ లోనే డిజాస్టర్ మూవీ అంటే అదే అని మహేష్ ఫ్యాన్స్ ఇప్పటికీ ఫైర్ అవుతారు.
Meera Jasmine: అందాలు ఆరబోసి.. ఎట్టకేలకు కుర్ర హీరో సినిమాలో ఛాన్స్ పట్టిందే.. ?
ఇక ఇప్పుడు ఆ డైరెక్టర్.. చిరుతో సినిమా చేస్తున్నట్లు వార్తలు వచ్చాయి. కళ్యాణ్ కృష్ణ ఈ సినిమా నుంచి తప్పుకున్నాడని, ఆ ప్లేస్ లో మురగదాస్ ను తీసుకున్నారని వార్తలు వినిపించాయి. అయితే అందులో ఎలాంటి నిజం లేదని సినిమాకు సంబంధించిన ప్రముఖులు చెప్పుకొస్తున్నారు. ఇలాంటి రూమర్స్ ఎక్కడనుంచి పుట్టుకొచ్చాయి తెలియదు అని, కళ్యాణ్ కృష్ణతో పాటు కోర్ టీమ్ మొత్తానికి పెమెంట్స్ కూడా చేశారని సమాచారం. అంతేకాకుండా ప్రస్తుతం దస్పల్లాలో సిట్టింగ్స్ జరుగుతున్నాయని, ఒక వారంలో స్క్రిప్ట్ లాక్ కూడా చేస్తున్నామని అన్నారు. తమ కథ ఎఫ్ 2 సినిమా లాంటిది అని.. దానికి మురగదాస్ ను తీసుకోవడం ఏంటో అని నవ్వేశారు. ఇది కేవలం.. చిరు- కళ్యాణ్ కృష్ణ కాంబో ఇష్టం లేనివారు సృష్టించిన పుకారు అని చెప్పుకొస్తున్నారు. మరి ఈ సినిమా అధికారికంగా లాంచ్ అయ్యేది ఎప్పుడు.. ? ఈ పుకార్లకు చెక్ పాడేది ఎప్పుడో చూడాలి.