NTR30: ఎన్టీఆర్ 30 పూజకు గెస్ట్ గా చిరు.. నిజమైతే ఎంత బావుండు

NTR30: కొన్ని రూమర్స్.. నిజమవుతాయో లేదో తెలియదు కానీ, వినడానికి మాత్రం భలే ఉంటాయి. అందులో కొన్ని ఎన్టీఆర్ 30 లో సైఫ్ ఆలీఖాన్ విలన్ గా నటిస్తున్నాడు అని, ఎన్టీఆర్ 30 పూజా వేడుకకు చిరంజీవి గెస్ట్ గా వస్తున్నాడు అని, సైఫ్, జాన్వీతో కలిసి పూజా కార్యక్రమాలకు అటెండ్ అవుతున్నాడని.. బావున్నాయి కదా. ఇందులో నిజం ఉందో లేదో తెలియదు కానీ.. వినడానికి మాత్రం భలే ఉన్నాయని నెటిజన్లు చెప్పుకొస్తున్నారు. అసలు విషయం ఏంటంటే.. ఆర్ఆర్ఆర్ తరువాత ఎన్టీఆర్ నటిస్తున్న చిత్రం ఎన్టీఆర్ 30. కొరటాల శివ దర్శకత్వం వహిస్తున్న ఈ చిత్రాన్ని నందమూరి కళ్యాణ్ రామ్ నిర్మిస్తున్నాడు. ఇక ఈ చిత్రంలో ఎన్టీఆర్ సరసన జాన్వీ కపూర్ నటిస్తోంది. ఎన్నో వాయిదాల తరువాత ఈ సినిమా మార్చి 23 న పూజా కార్యక్రమాలను జరుపుకొంటుంది. దీంతో ఈ వేడుకను కొరటాల ఎంతో గ్రాండ్ గా చేయాలనీ ప్లాన్ చేస్తున్నాడట.

Vijay Antony: ఓహో.. బికిలీ అంటే ఇదా.. మరి యాంటీ బికిలీ అంటే..?

ఇక ఈ పూజా కార్యక్రమంలో బాలీవుడ్ నటుడు సైఫ్ అలీఖాన్, మెగాస్టార్ చిరంజీవి ముఖ్య అతిధులుగా రానున్నారట. సైఫ్ .. ఎన్టీఆర్ 30 లో విలన్ గా నటిస్తున్నాడని టాక్. పాన్ ఇండియా సినిమా కావడం, సైఫ్ ఆల్రెడీ ప్రభాస్ ఆదిపురుష్ సినిమాలో నటించడంతో మంచి గుర్తింపు రావడానికి సైఫ్ ను విలన్ గా తీసుకున్నారని టాక్. ఇక చిరును ప్రత్యేకంగా కొరటాల ఆహ్వానించాడట. ఆచార్య సినిమా పరాజయం పాలయ్యినప్పుడు వీరిద్దరి మధ్య విబేధాలు నెలకొన్నాయని వార్తలు వినిపించాయి. ఆ వార్తలు నిజం కాదు అని చెప్పడానికి చిరును కొరటాల పిలిచినట్లు తెలుస్తోంది. మరి ఇందులో నిజం ఎంత అనేది తెలియాలంటే అధికారిక ప్రకటన వచ్చేవరకు ఆగాల్సిందే.