పక్కింటి కుర్రాడి ఇమేజ్ నుంచి పాన్ ఇండియా స్టార్ గా ఎదగబోతున్నాడు నాని. అష్టా చెమ్మా నుంచి నాని ఎన్నో శుక్రవారాలు చూసి ఉంటాడు కానీ ఈ మార్చ్ 30 నానికి చాలా ఇంపార్టెంట్. తన మార్కెట్ ని పెంచుకోవడానికి, తను కొత్త రకం సినిమా చేశాను అని చూపించడానికి, తనపై ఫాన్స్ పెట్టుకున్న నమ్మకాన్ని నిజం చెయ్యడానికి మార్చ్ 30 నానికి ఎంతో ఇంపార్టెంట్. ఎందుకంటే ఆ రోజు నాని నటించిన మొదటి పాన్ ఇండియా సినిమా ‘దసరా’ ఆడియన్స్ ముందుకి వస్తుంది. ఈ సినిమా హిట్ అయితే నాని రేంజ్ మారుతుంది, అతని కథల ఎంపిక మారుతుంది. శ్రీకాంత్ ఓడెల దర్శకత్వంలో తెరకెక్కిన దసరా సినిమాపై టీజర్ అంచనాలని పెంచింది. అప్పటివరకూ ఒక రేంజులో అంచనాలని టీజర్, ఆకాశాన్ని తాకేలా చేసింది. ఆ అంచనాలని మరింత పెంచుతూ నాని సాలిడ్ ప్రమోషన్స్ ని చేస్తున్నాడు. రిలీజ్ డేట్ దగ్గర పడే కొద్దీ నాని దసరా సినిమా ప్రమోషన్స్ ని చాలా అగ్రెసివ్ గా చేస్తున్నాడు.
పోస్టర్స్, సాంగ్స్ తో హైప్ పెంచడంలో చిత్ర యూనిట్ కూడా సక్సస్ అయ్యాయి. ఇప్పటికే దసరా సినిమా నుంచి రెండు పాటలు రిలీజ్ అయ్యి సూపర్ హిట్ అయ్యాయి. లేటెస్ట్ గా దసరా సినిమా నుంచి మూడో పాట ‘చమ్కీల అంగేసి’ని మార్చ్ 8న రిలీజ్ చేస్తున్నట్లు అనౌన్స్ చేశారు. ఈ అనౌన్స్మెంట్ పోస్టర్ లో నాని, కీర్తి సురేష్ లు స్కూటర్ పై కూర్చోని ఎక్కడికో వెళ్తున్నారు. ఈ వెడ్డింగ్ సీజన్ కి ఫోక్ మెలోడీ సాంగ్ అయిన ‘చమ్కీల అంగేసి’ పాటని గిఫ్ట్ ఇస్తున్నాం అని చిత్ర యూనిట్ చెప్తున్నారు కాబట్టి ఒక మంచి మాస్ పెళ్లి పాటని మార్చ్ 8న వినబోతున్నాం. పెళ్లి పాట అనేది బాగానే ఉంది కానీ ఇంతకీ నాని, కీర్తి సురేష్ లు కలిసి ఎవరి పెళ్లికి వెళ్తున్నారు అనేది చూడాలి.
A FOLK MELODY for every WEDDING SEASON ❤️#Dasara 3rd single out on 8th March ❤️🔥#ChamkeelaAngeelesi #MainaruVettiKatti #ChamkeeliBushirtMein #HoovinaAngiThottu #PalaPalaaMinnerunne@NameisNani @KeerthyOfficial @odela_srikanth @Music_Santhosh @saregamasouth pic.twitter.com/gSvR5YVlL1
— SLV Cinemas (@SLVCinemasOffl) March 3, 2023