తెలుగు ప్రేక్షకులకు రెజీనా క‌స్సాండ్రా గురించి ప్రత్యేకంగా పరిచయం చేయల్సిన పనిలేదు. వెండితెరపై తనదైన అందచందాలతో యూత్ ఆడియన్స్‌ని కట్టిపడేసింది.2005లో సినిమా ఇండస్ట్రీలోకి అడుగు పెట్టిన ఈ ముద్దుగుమ్మ దాదాపు 40కు పైగా సినిమాల్లో నటించింది. తెలుగుతో పాటు తమిళ్, హిందీ భాషల్లోనూ మెరిసింది. దాదాపు పెద్ద పెద్ద హీరోలతో స్క్రీన్ షేర్ చేసుకున్న కానీ ఎందుకో రెజీనా స్టార్ హీరోయిన్ స్టేటస్ సొంతం చేసుకోలేకపోయింది. తెలుగులో అయితే ఈ అమ్మడుకి మొత్తనికే ఆఫర్‌లు తగ్గిపొయ్యాయి. కానీ ఇతర భాషల్లో దూసుకెళుతోంది. అయితే తాజాగా ఓ మీడియాతో మూచ్చటించిన రేజీన బాలీవుడ్ పై ఆసక్తికరమైన వ్యాఖ్యలు చేసింది.
అజిత్ హీరోగా త్రిష హీరోయిన్ గా నటించిన చిత్రం ‘విడాముయాచి’ . మాజిజ్ తిరుమెని దర్శకత్వం వహించిన ఈ మూవీలో రెజీనా ముఖ్యమైన పాత్ర పోషిస్తుంది. అయితే తాజాగా ఓ ఇంటర్వ్యూలో, రెజీనా దక్షిణ భారత నటీనటుల పట్ల బాలీవుడ్ వైఖరి ఎప్పటికప్పుడు ఎలా మారింది అనే దాని గురించి మాట్లాడింది.. ‘ఇంతకు ముందు, దక్షిణాది నటుడు హిందీ చిత్రాల్లో ఒక పాత్ర పొందడానికి చాలా కష్టపడేవారు. ఎందుకంటే అక్కడ అవకాశం రావడం చాలా కష్టం. ఏదేమైనా ఈ కరోనా మహమ్మారి తర్వాత చాలా విషయాలు మారిపోయాయి. ఇప్పుడు వారు తమ చిత్రాలను ఎక్కువ మంది ప్రేక్షకులు వీక్షించడానికి సౌత్ వారిని వెతుకుతున్నారు’ అని రెజీనా పేర్కొంది. కానీ వ్యక్తిగతంగా తాను ఎలాంటి సవాళ్లు ఎదుర్కోలేదని, తాజాగా ఓ బాలీవుడ్ చిత్రానికి సంతకం చేశాను అని పేర్కొంది. ప్రజంట్ ఈ మాటలు సోషల్ మీడియాలో వైరల్ అవుతున్నాయి.