Bhola Shankar: మిల్కీ బ్యూటీతో చిరు డేటింగ్..
Bhola Shankar: మెగాస్టార్ చిరంజీవి, తమన్నా జంటగా మెహర్ రమేష్ దర్శకత్వంలో తెరకెక్కిన చిత్రం భోళా శంకర్. ఏకే ఎంటర్ టైన్మెంట్స్ పతాకంపై అనిల్ సుంకర, రామబ్రహ్మం సుంకర నిర్మించిన ఈ చిత్రం ఆగస్టు 11 న రిలీజ్ కానుంది. చిరు చెల్లెలిగా కీర్తి సురేష్ నటిస్తుండగా.. సుశాంత్ కీలక పాత్రలో నటిస్తున్నాడు. ఇప్పటికే ఈ సినిమా నుంచి రిలీజైన పోస్టర్స్, సాంగ్స్ ప్రేక్షకులను విశేషంగా ఆకట్టుకున్నాయి. ఇక తాజాగా ఈ సినిమా నుంచి మూడో సాంగ్ ను రిలీజ్ చేయడానికి మేకర్స్ ముహూర్తం ఖరారు చేశారు. మిల్కీ బ్యూటీ అంటూ సాగే ఫుల్ సాంగ్ ను రేపు సాయంత్రం 4 గంటల 05 నిమిషాలకు రిలీజ్ చేయనున్నట్లు మేకర్స్ ప్రకటిస్తూ ఒక పోస్టర్ తో పారు ప్రోమోను రిలీజ్ చేశారు.. ప్రోమో ను బట్టి ఇదొక రొమాంటిక్ సాంగ్ లా కనిపిస్తుంది. అల్ట్రా స్టైలిష్ లుక్ లో చిరు కనిపిస్తుండగా.. హాట్ లుక్ లో తమన్నా అదరగొట్టింది. మిల్కీ బ్యూటీ.. నువ్వేనా బ్యూటీ.. అరే.. నీకు నాకు డేటింగ్ పార్టీ అంటూ సాగిన ఈ ప్రోమో ఆకట్టుకుంటుంది.
Project K: ‘ప్రాజెక్ట్ కె’ కామిక్ ఆర్ట్ పోస్టర్స్ లీక్.. స్టోరీ తెలిసిపోయింది.. ?
రామజోగయ్య శాస్త్రి ఈ సాంగ్ కు లిరిక్స్ అందించగా.. మహాతి స్వర సాగర్, విజయ్ ప్రకాష్, సంజన ఈ సాంగ్ ను ఆలపించారు. ఇక చిరుకు శేఖర్ మాస్టర్ స్టెప్పులు నేర్పించాడు. వీరి కాంబోలో వచ్చిన సాంగ్స్, హుక్ స్టెప్స్ ఎంత ఫేమస్ అయ్యాయో ప్రత్యేకంగా చెప్పాల్సిన అవసరం లేదు. దీంతో ఈ సాంగ్ పై అభిమానులు భారీ అంచనాలనే పెట్టుకున్నారు. మరి ఈ సాంగ్ ఎలాంటి రికార్డులు క్రియేట్ చేస్తుందో చూడాలి. ఇకపోతే మెహర్ రమేష్ ఈ సినిమా పైనే అన్ని ఆశలు పెట్టుకున్నాడు. తమిళ్ లో హిట్ అందుకున్న వేదాళం సినిమాకు అధికారిక రీమేక్ గా ఈ సినిమాను తెరకెక్కిస్తున్నాడు. మరి ఈ సినిమాతో మెహర్ .. హిట్ అందుకుంటాడా లేదా అనేది చూడాలి.