ఏ.. నాని హీరోయిన్ ఏంటీ .. ఇలా మారిపోయింది

ఈ లోకంలో ప్రతిదానికి ఒకచోట ఫుల్ స్టాప్, కామా ఉంటుంది. మనిషి జీవితానికి కానీ, కెరీర్ కు కానీ. చిత్ర పరిశ్రమలో ఉన్న హీరోయిన్లకు మాత్రం ఆ ఫుల్ స్టాప్, కామా రెండు వివాహమే. కొంతమంది పెళ్లి చేసుకొని కెరీర్ కు ఫుల్ స్టాప్ పెడతారు. ఇంకొంతమంది కొంత గ్యాప్ అదే కెరీర్ కు కామా పెట్టి మళ్లీ రీ ఎంట్రీ ఇస్తారు. ప్రస్తుతం చాలామంది హీరోయిన్లు ఈ కేటగిరిలో ఉన్నవారే. ఒకప్పుడు స్టార్ హీరోయిన్ గా కొనసాగినవారు పెళ్లి తరువాత కనుమరుగైపోయారు. ఇక రీ ఎంట్రీలో వారిని చూస్తే.. ఏంటి అప్పుడు చూసిన హీరోయిన్ ఈమెనేనా అని అనిపించకమానదు. అల పెళ్లితో కెరీర్ కు ఫుల్ స్టాప్ పెట్టిన హీరోయిన్లలో ఒకరు శరణ్య మోహన్. న్యాచురల్ స్టార్ నాని హీరోగా నటించిన భీమిలి కబడ్డీ జట్టు చిత్రంతో తెలుగుతెరకు పరిచయమైంది. నాలో పరుగులు తీసే మనసే అంటూ నాని హృదయాన్నే కాదు తెలుగు కుర్రకారు గుండెలను కూడా చోరీచేసింది.

Ashish Vidyarthi: ఛీఛీ.. ముసలోడు.. రెండో పెళ్లి అంటున్నారు.. చేసుకుంటే తప్పేంటి

ఇక ఈ సినిమా తరువాత కళ్యాణ్ రామ్ నటించిన కత్తి సినిమాలో ఆయనకు చెల్లిగా నటించి మెప్పించింది. అయినా ఈ చిన్నదానికి అవకాశాలు కరువయ్యాయి. దీంతో శరణ్య.. తన చిన్ననాటి స్నేహితుడు అరవింద్ కృష్ణన్ ను ప్రేమించి పెళ్లి చేసుకొని సెటిల్ అయిపోయింది. ప్రస్తుతం ఆమెకు ఇద్దరు పిల్లలు. ఇక ఆమె పిల్లలు పుట్టిన దగ్గరనుంచి వారి ఆలనాపాలన చూసుకుంటూ ఇంటి బాధ్యతలను చక్కబెడుతుంది. అయితే సోషల్ మీడియాలో మాత్రం ఆమె నిత్యం యాక్టివ్ గానే ఉంటుంది. తన భర్తతో కలిసి రీల్స్ చేయడం, పిల్లల ఫోటోలను, తన ఫోటోషూట్స్ ను షేర్ చేస్తూ అభిమానులకు దగ్గరగా ఉంటుంది. ఇకపోతే అప్పటికి ఇప్పటికీ శరణ్యలో చాలానే మార్పు వచ్చింది. పెళ్లి అయ్యాక ఆమె కొద్దిగా బరువు పెరిగింది. అయితే అప్పుడు ఎంత క్యూట్ గా ఉన్నదో.. ఇప్పుడు కూడా అంతే క్యూట్ గా ఉంది. మరి ముందు ముందు శరణ్య రీ ఎంట్రీ ఏమైనా ప్లాన్ చేస్తుందేమో చూడాలి.