Bigg Boss 7: బాలయ్యతో ‘బిగ్బాస్ 7’?
Bigg Boss 7: వెండితెరమీద ‘బాక్సాఫీస్ బొనాంజా’ అనిపించుకున్న బాలకృష్ణ ఇప్పుడు ఓటీటీ ప్లాట్ ఫామ్ ‘ఆహా’లో ‘అన్ స్టాపబుల్’ షోతో హోస్ట్గా ఎవరికీ అందనంత ఎత్తులో నిలబడ్డారు. ఈ షో తొలి సీజన్ తోనే ‘ఆహా’ స్థాయిని అమాంతం పెంచిన బాలకృష్ణ ఇప్పుడు సీజన్ 2తో ‘ఆహా’కి తిరుగులేని ఆధిపత్యాన్ని సాధించిపెట్టారు. దీంతో ఇప్పుడు అన్ని ఛానెల్స్ దృష్టి బాలయ్యపై పడింది. అందులో స్టార్ మా కూడా ఉంది. స్టార్ మా లో బాలకృష్ణ ఓ రియాలిటీ షోకి హోస్ట్ గా వ్యవహరించబోతున్నాడనే టాక్ బలంగా వినిపిస్తోంది.
Read Also: Waltair Veerayya: ‘నేనే చిరంజీవంటా’ అంటున్న ‘వాల్తేరు వీరయ్య’!
బాలకృష్ణ హోస్ట్ చేయబోయేది బిగ్ బాస్ 7 అట. ఇప్పటి వరకూ ఈ రియాలిటీ షోకి నాగార్జున హోస్ట్గా వ్యవహరించారు. అయితే ఎందుకో ఏమో ఈ షోపై ఆడియన్స్కు ఆసక్తి తగ్గిపోయింది. దాంతో బిగ్ బాస్ 6కి అతి తక్కువ టీఆర్పీలు నమోదు అయ్యాయి. దాంతో నిర్వాహకులు ఈ షోకి ఎలాగైనా మళ్ళీ క్రేజ్ తీసుకురావాలని భావించి బాలయ్యను రంగంలోకి దింపుతున్నారట. బాలకృష్ణ కూడా గ్రీన్ సిగ్నల్ ఇచ్చినట్లు సమాచారం. దీనికి సంబంధించి అధికారిక ప్రకటన కూడా త్వరలోనే వచ్చే అస్కారం ఉంది. అందువల్లే కాబోలు నాగార్జున సీజన్ 6 ముగింపులో మళ్ళీ కలుద్దాం అనే మాట వాడలేదు. బాలకృష్ణ బిగ్ బాస్ 7కి హోస్ట్ గా మారితే మళ్ళీ ఈ షోపై ఆడియన్స్ లో క్రేజ్ వస్తుందేమో చూడాలి.