Balakrishna acting as powerful cop in Bhagavanth kesari: నందమూరి బాలకృష్ణ, అనిల్ రావిపూడి కాంబినేషన్లో ‘భగవంత్ కేసరి’ సినిమా తెరకెక్కుతోంది. షైన్ స్క్రీన్స్ ప్రొడ్యూస్ చేస్తున్న ఈ సినిమాపై నందమూరి అభిమానులు సహా టాలీవుడ్ ప్రేక్షకుల్లో సైతం అంచనాలు ఉన్నాయి. ఆ అంచనాలను మరింత పెంచేలా ఒక టీజర్ రచ్చ చేసింది. ఈ మాస్ యాక్షన్ ఎంటర్‌టైనర్ ను అక్టోబర్ 19న విడుదల చేసేందుకు ప్లాన్ చేస్తున్నారు. ఇదిలా ఉండగా, 2004లో హరికృష్ణ నటించి విడుదలైన స్వామి సినిమా నుంచి బాలయ్య భగవంత్ కేసరి కథను స్పూర్తిగా తీసుకుని రూపొందించినట్లు నిన్నటి నుంచి సోషల్ మీడియాలో ప్రచారం జరుగుతోంది. అయితే ఈ వార్తలను వెంటనే కొట్టిపారేసిన ప్రొడక్షన్ హౌస్ షైన్ స్క్రీన్స్, ఇది తప్పుడు వార్త అని స్పష్టం చేసింది.
Klin Kaara: జెండా ఎగురవేసిన క్లీంకార.. పిక్ షేర్ చేసిన ఉపాసన
ఇక ఈ క్లారిటీ అయితే బాలయ్య అభిమానులకు చాలా ఉపశమనం కలిగించిందని చెప్పొచ్చు. అయితే తాజాగా అందుతున్న సమాచారం మేరకు ఈ సినిమాలో బాలకృష్ణ పోలీస్ ఆఫీసర్ పాత్రలో కనిపించనున్న పవర్ ఫుల్ ఫ్లాష్ బ్యాక్ ఎపిసోడ్ ఉంటుందని ఇండస్ట్రీ సర్కిల్స్ లో వినిపిస్తోంది. ఫ్లాష్‌బ్యాక్‌లో హై వోల్టేజ్ యాక్షన్ బ్లాక్‌లు, డైలాగ్‌లు ఉన్నాయని, ఇది బాలకృష్ణ అభిమానులకు ఒక విందులా ఉంటుందని అంటున్నారు. అనిల్ రావిపూడి దర్శకత్వం వహించిన ఈ మాస్ ఎంటర్‌టైనర్‌లో ఆయన ట్రేడ్‌మార్క్ హాస్య అంశాలతో పాటు అభిమానులను సంతృప్తిపరిచే అన్ని కమర్షియల్ హంగులు ఉంటాయని అంటున్నారు. ఇక ఈ భగవంత్ కేసరి తెలంగాణ బ్యాక్‌డ్రాప్‌లో ఉంటుందని అంటున్నారు. ఈ సినిమాలో బాలయ్య మునుపెన్నడూ లేని అవతార్‌లో కనిపించనున్నాడని అంటున్నారు. షైన్ స్క్రీన్స్ బ్యానర్‌పై సాహు గారపాటి, హరీష్ పెద్ది ఈ చిత్రాన్ని నిర్మిస్తున్నారు.