Klin Kaara: జెండా ఎగురవేసిన క్లీంకార.. పిక్ షేర్ చేసిన ఉపాసన
Klin Kaara Hoists Flag on Independence Day: మెగా పవర్ స్టార్ రామ్ చరణ్, ఉపాసన కామినేని కొణిదెల దంపతులు ఈ మధ్యనే తల్లిదండ్రులైన సంగతి తెలిసిందే. వీరికి కుమార్తె జన్మించగా ఆమెకు క్లీంకార అనే పేరు కూడా పెట్టారు. ఆమె పుట్టడమే మీడియాలో హాట్ టాపిక్ అయిందనుకుంటే ఆమె పేరు పెట్టినప్పుడు కూడా పెద్ద ఎత్తున చర్చ జరిగింది. అయితే ఆ పేరుకు గల అర్థాన్ని కూడా మెగాస్టార్ చిరంజీవి స్వయంగా సోషల్ మీడియా వేదికగా షేర్ చేసి అందరికీ కొంత క్లారిటీ ఇచ్చే ప్రయత్నం చేశారు.
అయితే అసలు విషయం ఏమిటంటే ఈరోజు 77 వ స్వాతంత్ర దినోత్సవ సందర్భంగా చిన్నారి క్లీమ్ కారా చేత జెండా ఎగుర వేయించారు ఆమె అమ్మమ్మ తాతయ్యలు. స్వాతంత్ర దినోత్సవ సందర్భంగా ఉపాసన తల్లి శోభన, తండ్రి అనిల్ కామినేని ఇద్దరూ చిన్నారి క్లీంకార చేత జెండాను ఎగుర వేయించారు. దీనికి సంబంధించి రెండు ఫోటోలను ఉపాసన తన సోషల్ మీడియా వేదికగా షేర్ చేశారు. ఇక షేర్ చేసిన ఫోటోలలో పాప ముఖాన్ని పూర్తిగా కాకుండా కొంతవరకు మాత్రమే కనిపించేలా జాగ్రత్తలు తీసుకున్నారు. ఇప్పుడు కొంత రివీల్ చేశారు అంటే వీలైనంత త్వరలో ఆమె పూర్తి ఫోటో సోషల్ మీడియాలో విడుదల చేసే అవకాశం ఉందని కూడా మెగా అభిమానులు చర్చించుకుంటున్నారు.
