Avanthika: మహేష్ పక్కన నటించిన ఈ అమ్మాయి… 18 ఏళ్లకే హాలీవుడ్ లో దుమ్ములేపుతోంది
అవంతిక వందనపు… ప్రెజెంట్ హాలీవుడ్ మోస్ట్ ట్రెండింగ్ నేమ్. హాలీవుడ్ ఫిల్మ్ ఇండస్ట్రీతో పాటు మూవీ లవర్స్ కూడా అవంతిక వందనపు ఫోటోస్ అండ్ వీడియోని షేర్ చేస్తూ సోషల్ మీడియాలో హంగామా చేస్తున్నారు. “మీన్ గర్ల్స్” ఫిల్మ్ లో కరణ్ శెట్టి పాత్రలో నటించిన అవంతికని చూసి ఆడియన్స్ ఫిదా అయ్యారు. ఈ 18 ఏళ్ల అమ్మాయి నెక్స్ట్ బిగ్ థింగ్స్ అవుతుందంటూ ప్రశంశలు కురిపిస్తున్నారు. అయితే చాలా తక్కువ మందికి తెలిసిన విషయం… ఈ అమ్మాయి మహేష్ బాబు పక్కన కూడా నటించింది. ఎన్నారై ఫ్యామిలీ చెందిన అవంతిక వందనపు… కాలిఫోర్నియాలో పుట్టి పెరిగింది. చిన్నప్పటి నుంచే మోడలింగ్, యాక్టింగ్, డాన్సింగ్ పైన ఇష్టంతో కెరీర్ ని కంప్లీట్ గా ఎంటర్టైన్మెంట్ ఇండస్ట్రీలోకి మార్చేసుకుంది.
Read Also: Hanuman: రెండు రోజుల్లో పది లక్షల టికెట్స్ సోల్డ్ అవుట్…
మొదటిగా 2016లో మహేష్ బాబు చేసిన బ్రహ్మోత్సవం సినిమాలో అవంతిక చైల్డ్ ఆర్టిస్ట్ గా నటించింది. మహేష్ కి కజిన్ గా నటించిన అవంతిక… ఆ తర్వాత మనమంతా, ప్రేమమ్(తెలుగు), రారండోయ్ వేడుక చూద్దాం, ఆక్సిజెన్ సినిమాలు నటించింది. 2018లో వచ్చిన అజ్ఞాతవాసి తర్వాత అవంతిక తెలుగులో నటించలేదు. భూమిక అనే సినిమాతో తమిళ డెబ్యూ కూడా చేసింది కానీ ఇక్కడి నుంచి కంప్లీట్ గా హాలీవుడ్ షిఫ్ట్ అయిపోయి అక్కడ కెరీర్ ని సెట్ చేసుకునే పనిలో ఉంది. 2021-2024 వరకూ బ్యాక్ టు బ్యాక్ ప్రాజెక్ట్స్ చేస్తూనే ఉన్న అవంతిక వందనపుకి మీన్ గర్ల్స్ బ్రేక్ ఇచ్చింది. ఈ ఒక్క సినిమాతో అవంతిక ఇప్పుడు హాట్ టాపిక్ అయ్యింది. ముందు ముందు ఈ 18 ఏళ్ల అమ్మాయి హాలీవుడ్ లో ఎలాంటి సెన్సేషన్ క్రియేట్ చేస్తుంది? ఏ స్టేజ్ కి వెళ్తుంది అనేది చూడాలి.