Ar Rahaman Roped in for RC 16: ఆర్ఆర్ఆర్ సినిమా పూర్తయిన తర్వాత రామ్ చరణ్ తేజ శంకర్ దర్శకత్వంలో తన 15వ సినిమా చేస్తున్న సంగతి తెలిసిందే. కియారా అద్వానీ, అంజలి హీరోయిన్లుగా నటిస్తున్న ఈ సినిమాలో శ్రీకాంత్ సహా పలువురు తమిళ నటీనటులు కీలక పాత్రలలో నటిస్తున్నారు. శంకర్ దర్శకత్వంలో ఈ సినిమాని దిల్ రాజు భారీ బడ్జెట్ తో నిర్మిస్తున్నారు. ప్రస్తుతానికైతే ఈ సినిమా షూటింగ్ జరగడం లేదు కానీ త్వరలోనే సినిమా షూటింగ్ పూర్తి చేయడానికి శంకర్ ప్రణాళికలు సిద్ధం చేస్తున్నారు. నిజానికి సినిమా సంక్రాంతికి రిలీజ్ చేయాలని ప్లాన్ చేశారు కానీ ఈసారి సంక్రాంతికి రిలీజ్ అయ్యే అవకాశాలు అయితే కనిపించడం లేదు. అయితే మరోపక్క రామ్ చరణ్ 16వ సినిమాకు సంబంధించిన ఒక అప్డేట్ అయితే సోషల్ మీడియాలో వైరల్ అవుతుంది.. అదేమిటంటే రామ్ చరణ్ బుచ్చిబాబు సనా కాంబినేషన్ లో తెరకెక్కుతున్న సినిమాని ప్రస్తుతానికి 16వ సినిమాగా సంభోదిస్తున్నారు.
Salaar – DJ Crossover: సలార్ రాఖీ భాయ్‌ని కలిస్తే ఇలా ఉంటుందా? ఇదెక్కడి మాస్ క్రాస్ ఓవర్ మావా?
ఇంకా పేరు ఫిక్స్ చేయని ఈ సినిమా స్పోర్ట్స్ బ్యాక్ డ్రాప్ లో ఉండే అవకాశం ఉందని పెద్ద ఎత్తున ప్రచారం అయితే జరుగుతుంది. కానీ ఆ విషయంలో క్లారిటీ లేదు అయితే తాజాగా అందుతున్న సమాచారం మేరకు ఈ సినిమాకి మ్యూజిక్ డైరెక్టర్ గా ప్రపంచ ప్రఖ్యాత ఆస్కార్ విన్నర్ ఏఆర్ రెహమాన్ ఫిక్స్ అయినట్టు తెలుస్తోంది. ఈ సినిమా కథను బుచ్చిబాబు రెహమాన్ కి నెరేట్ చేయగా సినిమాకి మ్యూజిక్ అందించేందుకు రెహమాన్ ముందుకు వచ్చినట్లు తెలుస్తోంది. ఈ విషయానికి సంబంధించిన అధికారిక ప్రకటన త్వరలోనే అధికారికంగా వెల్లడించే అవకాశాలు అయితే కనిపిస్తున్నాయి. వాస్తవానికి కొన్నాళ్ల క్రితమే ఈ సినిమా కోసం రెహమాన్ ని సంగీత దర్శకుడుగా తీసుకునే అవకాశం ఉందని ప్రచారం జరిగింది. కానీ ఎందుకో ఆ ప్రచారం మూలన పడింది . ఇప్పుఫు మరోసారి రెహమాన్ నే ఫైనల్ చేసినట్లు ప్రచారం మొదలైంది. దీనికి సంబంధించిన అధికారిక ప్రకటన వెలువడితే ఈ విషయం మీద కొంత క్లారిటీ వచ్చే అవకాశం అయితే కనిపిస్తోంది.