గత కొన్ని నెలలుగా ఎంతో అన్యోన్యంగా జీవిస్తున్న పలువురు సెలబ్రిటీలు విడాకులు తీసుకుంటుండడం సినీ అభిమానుల్లో విషాదాన్ని నింపుతోంది. ఈ క్రమంలోనే ప్రముఖ సంగీత స్వరకర్త ఏఆర్ రెహమాన్ భార్య సైరా భాను తన భర్త ఏఆర్ రెహమాన్ నుంచి విడాకులు తీసుకుంటున్నట్లు అధికారికంగా ప్రకటించారు. “మా ముప్పై వ వివాహ వార్షికోత్సవాన్ని కలిసి జరుపుకుంటాం అని అనుకున్నాను. కానీ ఇకపై అలా జరగదు. ఇది మా ఇద్దరి మనసులు అంగీకరించిన విభజన. కాబట్టి అభిమానులు దయచేసి మాకు మరియు మా కుటుంబానికి అవసరమైన గోప్యతను అందించాలి” అని AR రెహమాన్ అన్నారు. ఈ మేరకు ఇద్దరూ అధికారికంగా ప్రకటించారు.
Pushpa 2 : పుష్ప 2 వాయిదా వెనుక అసలు నిజం ఇదే
అయితే ఈ నేపథ్యంలోనే బైల్వాన్ రంగనాథన్‌తో పాటు చాలా మంది యూట్యూబర్లు, సినిమాకి సంబంధించిన వార్తలను ప్రచురించే వెబ్‌సైట్‌లు రెహమాన్ , సైరా బానుల మధ్య మనస్పర్థలకు అనేక కారణాలు ముందుకు తెచ్చాయి. ఏఆర్ రెహమాన్ స్వదేశానికి రాడు, తన పనుల నిమిత్తం విదేశాలకు వెళతాడని, అందుకే ఇప్పుడు సైరా ఈ విడాకుల దాకా వచ్చిందని కొందరు రాశారు. అయితే ఈ నిరాధార విమర్శలకు సమాధానంగా ఏఆర్ రెహమాన్ ఒక ప్రకటనను ప్రచురించారు. రెహమాన్, సైరా విడాకుల గురించి ఏ మీడియా కూడా తప్పుడు వ్యాఖ్యలు చేయకూడదని.. ఇప్పటికే పోస్ట్ చేసిన వీడియోలు, మెసేజ్‌లను వచ్చే 24 గంటల్లోగా తొలగించాలని, లేని పక్షంలో వారిపై చట్టపరమైన చర్యలు తీసుకుంటామని హెచ్చరించారు.