అల్లు అర్జున్ హీరోగా నటిస్తున్న పుష్ప 2 సినిమా ఎప్పటికప్పుడు వార్తల్లో నిలుపుతూనే ఉంది. అయితే ఈమధ్య బాలీవుడ్ మీడియా ఈ సినిమా వాయిదా పడవచ్చు అనే వార్తలు ప్రచురించింది. దీంతో ఇండియా వైడ్ పుష్ప వాయిదా పడబోతుందేమో అన్నట్టుగా ప్రత్యేక ప్రచారం మొదలైంది. అయితే బాలీవుడ్ మీడియా ఇలా ప్రచురించడానికి గల కారణం ఇంకా పుష్ప 2 సినిమా షూటింగ్ పూర్తి కాకపోవడమే డిసెంబర్ ఐదో తేదీన రిలీజ్ కి రెడీ అవుతున్న ఈ సినిమాకి సంబంధించిన షూటింగ్ ఇంకా జరుగుతూ ఉంది అనే వార్తల నేపథ్యంలోనే కచ్చితంగా సినిమా వాయిదా పడుతుంది అంటూ ప్రచారం మొదలు పెట్టారు. నిజానికి సుకుమార్ ఇప్పటికే పోస్ట్ ప్రొడక్షన్ పనులు మొదలుపెట్టారు. కేవలం సాంగ్ షూటింగ్ మాత్రమే మిగిలి ఉంది. ఆ సాంగ్ షూటింగ్ కూడా తాను హాజరు కాకుండా పూర్తిగా కొరియోగ్రాఫర్ మీదే బాధ్యత పెట్టినట్లు తెలుస్తోంది.
Nagarjuna: ఏఎన్నార్ బయోపిక్ కష్టం.. నాగ్ కీలక వ్యాఖ్యలు
డిసెంబర్ ఐదవ తేదీన సినిమా రిలీజ్ చేయాలంటే నవంబర్ 26 , 27 లోపల పోస్ట్ ప్రొడక్షన్ పూర్తి చేసి సెన్సార్ కి పంపించాల్సి ఉంటుంది కాబట్టి ఇప్పటికిప్పుడు అంత షూటింగ్ పూర్తి చేయడం కష్టమని భావించిన బాలీవుడ్ మీడియా ఈ మేరకు వార్తలు వండి వార్చాయి. అయితే టాలీవుడ్ విశ్వసనీయ వర్గాల సమాచారం మేరకు ఇప్పటికే సాంగ్ షూటింగ్ శరవేగంగా జరుగుతోంది. ఈరోజు రాత్రి లేదా రేపు ఉదయానికి ఈ సాంగ్ షూటింగ్ పూర్తి కావస్తోంది. సుకుమార్ ఎలాగో పోస్ట్ ప్రొడక్షన్ మీద ఫోకస్ పెట్టాడు కాబట్టి అనుకున్న టైం కి ఫస్ట్ కాపీ రెడీ చేసే సెన్సార్ కి పంపడం పెద్ద విషయం ఏమీ కాదంటున్నారు. సుకుమార్ చివరి నిమిషం వరకు సినిమాని చెక్కుతూనే ఉంటాడు కాబట్టి ఇది ఆయనకు పెద్ద కష్టమైన పని ఏమీ కాదు అంటున్నారు చూడాలి మరి ఏం జరుగుతుందో.
