శర్వానంద్, సిద్ధార్థ్, అను ఇమ్మాన్యుయేల్, అదితి రావు హైదరి ప్రధాన పాత్రల్లో నటించించిన చిత్రం “మహా సముద్రం”. అజయ్ భూపతి దర్శకత్వంలో రూపొందిన ఈ చిత్రం దసరా కానుకగా ఈ నెల 14న విడుదల కానుంది. ఈ నేపథ్యంలో మేకర్స్ ప్రమోషన్లను వేగవంతం చేసారు. అయితే ఇటీవల విడుదలైన టీజర్, ట్రైలర్ చూసిన ప్రేక్షకులకు హీరోయిన్ల విషయంలో గందరగోళం ఏర్పడింది. అసలు ఎవరు ఎవరిని ప్రేమిస్తున్నారు ? అనే విషయం అర్థమే కాలేదు. అయితే తాజాగా ఆమెకు పాత్రకు సంబంధించిన వార్తలు వస్తున్నాయి. ఈ చిత్రంలో అను ఇమ్మాన్యుయేల్ న్యాయవాదిగా కనిపించనుందని వార్తలు వస్తున్నాయి.
Read Also : రెమ్యూనరేషన్ భారీగా పెంచేసిన అదితి రావు హైదరీ
అను చాలా కాలం నుంచి మంచి హిట్ కోసం ఎదురు చూస్తోంది. కెరీర్ మొదటి నుంచీ స్టార్ హీరోల సరసన నటించిన ఈ బ్యూటీకి స్టార్ డమ్ మాత్రం దక్కలేదు. మంచి హిట్ ఎదురు చూస్తున్న అను ఈ చిత్రంలో నటనకు ప్రాధాన్యమున్న పాత్రలో కన్పించి ప్రేక్షకులను మెప్పించనుంది. ఈ చిత్రంపై ఆమె చాలా ఆశలు పెట్టుకుంది. మరి దసరా కానుకగా ప్రేక్షకుల ముందుకు రానున్న ఈ చిత్రం అనుకు ఎలాంటి ఫలితాన్ని ఇస్తుందో చూడాలి.
