Animal: వంగా మామ.. ఇంత మోసం చేస్తావనుకోలేదు..

Animal: అనిమల్.. అనిమల్.. ఏంటి గత ఏడాది మొత్తం సోషల్ మీడియాలో ట్రెండ్ సృష్టించి.. ఇప్పుడిప్పుడే ఆ ట్రెండ్ నుంచి బయటపడుతుంటే.. మళ్లీ అనిమల్ ట్రెండ్ అవుతుంది అని చూస్తున్నారు కదా. థియేటర్ లో ఒక్కసారి చూసినందుకే.. సోషల్ మీడియాలో రచ్చ చేసిన ఫ్యాన్స్.. అదే ఓటిటీ లో వస్తే ఎందుకు వదులుతారు. అందుకే ట్రెండ్ చేయడం మొదలుపెట్టారు. నేటి నుంచి అనిమల్ నెట్ ఫ్లిక్స్ లో స్ట్రీమింగ్ అవుతుంది. రణబీర్ కపూర్, రష్మిక జంటగా సందీప్ రెడ్డి వంగా దర్శకత్వంలో తెరకెక్కిన ఈ చిత్రం గతేడాది డిసెంబర్ 1 న ప్రేక్షకుల ముందుకు వచ్చింది. మొదటి నుంచి అభిమానులు సినిమాపై పెట్టుకున్న అంచనాలకు ఏ మాత్రం తగ్గకుండా అనిమల్ భారీ విజయాన్ని అందుకోవడమే కాకుండా రికార్డ్ కలక్షన్స్ సృష్టించి ఇండస్ట్రీని షేక్ చేసింది. దాదాపు నెల తరువాత ఈ సినిమా ఓటిటీకి వచ్చింది.

ఇక ఈ సినిమా రన్ టైమ్ గురించి అప్పట్లో పెద్ద చర్చనే జరిగింది. థియేటర్లలో 3 గంటల 21 నిమిషాల మూవీ చూపించారు. అయితే ఎక్కడా బోర్ కొట్టకుండా చేయడంతో అంత టైమ్ ప్రేక్షకులకు పెద్ద డ్రా బ్యాక్ అనిపించలేదు. ఇంకొంతసేపు ఉన్నా పర్లేదు అని కూడా చెప్పుకొచ్చారు. దీంతో ఓటిటీలో థియేటర్లలో 3 గంటల 21 నిమిషాల మూవీ కాకుండా మరికొన్ని సీన్స్ యాడ్ చేసి ఓటిటీలో 3 గంటల 28 నిమిషాల మూవీని రిలీజ్ చేయనున్నట్లు సందీప్ చాలా ఇంటర్వ్యూల్లో చెప్పుకొచ్చాడు. దీంతో అభిమానులందరూ.. ఆ కొత్త సీన్స్ కోసం ఎంతగానో ఎదురుచూసారు. కానీ, ఆ ఎదురుచూపులు అలాగే ఉండిపోయాయి. ఎందుకంటే.. ఓటిటీలో కూడా థియేటర్ రన్ టైమ్ తోనే రిలీజ్ చేశారు. ఇక ఇది చూసిన అభిమానులు వంగా మామ.. ఇంత మోసం చేస్తావనుకోలేదు.. అని కామెంట్స్ చేస్తున్నారు.