Extra Ordinaryman: ఎక్స్ట్రా ఆర్డినరీ మ్యాన్ కోసం రంగంలోకి దిగిన యాంగ్రీ మ్యాన్

Extra Ordinaryman: యంగ్ హీరో నితిన్ ప్రస్తుతం ఒక బిగ్ హిట్ కోసం ఎదురుచూస్తున్నాడు. గతేడాది మాచర్ల నియోజకవర్గం తరువాత ఇప్పటివరకు అతని నుంచి ఒక్క సినిమా కూడా రాలేదు. ఇక ఈ ఏడాది నితిన్.. వరుస సినిమాలను లైన్లో పెట్టాడు. అందులో ఒకటి ఎక్స్ట్రా ఆర్డినరీ మ్యాన్. వక్కంతం వంశీ దర్శకత్వం వహిస్తున్న ఈ చిత్రాన్నీ శ్రేష్ట్ మూవీస్ బ్యానర్ పై ఎన్. సుధాకర్ రెడ్డి, నిఖితా రెడ్డి నిర్మిస్తున్నారు. ఈ చిత్రంలో నితిన్ సరసన శ్రీలీల నటిస్తోంది. ఇప్పటికే ఈ చిత్రం నుంచి రిలీజైన పోస్టర్స్, సాంగ్ ప్రేక్షకులను విశేషంగా ఆకట్టుకున్నాయి. ఇప్పటికే ఈ సినిమాపై అభిమానులు భారీ అంచనాలను పెట్టుకున్నారు. ఎందుకంటే.. వక్కంతం వంశీ, అల్లు అర్జున్ తో ఐకాన్ అనే సినిమాను అనౌన్స్ చేసిన విషయం తెల్సిందే. ఇప్పుడు బన్నీ వదులుకున్న సినిమాను నితిన్ చేస్తున్నాడు అని టాక్ నడుస్తోంది. దీంతో ఈ సినిమాపై హైప్ క్రియేట్ అయ్యింది. ఇక ఈ హైప్ ను మరింత పెంచే క్రియేట్ చేశారు మేకర్స్.

యాంగ్రీ మ్యాన్ రాజశేఖర్ గురించి అందరికి తెల్సిందే. హీరోగా కాకుండా వేరే ఇతర పాత్రల్లో ఇప్పటివరకు నటించని రాజశేఖర్.. మొట్టమొదటి సారి.. కుర్ర హీరో నితిన్ సినిమాలో రాజశేఖర్ ఒక కీలక పాత్రలో నటిస్తున్నాడు. కొద్దిసేపటి క్రితమే మేకర్స్ అధికారికంగా రాజేశేఖర్ ను సినిమాలోకి ఆహ్వానించారు. ఇందుకు సంబంధించిన వీడియోను నితిన్ షేర్ చేస్తూ.. “మా ఎక్స్‌ట్రార్డినరీ మ్యాన్ సెట్స్‌లో అత్యంత వేడుకగా జరుపుకున్న యాంగ్రీ మ్యాన్ డా.రాజశేఖర్ సర్‌కి స్వాగతం పలుకుతూ మీరు అందరినీ మళ్లీ ఆశ్చర్యపరుస్తారని నేను ఖచ్చితంగా అనుకుంటున్నాను యాంగ్రీ మ్యాన్” అని చెప్పుకొచ్చాడు. ఇక వీడియోలో రాజశేఖర్ అల్ట్రా స్టైలిష్ లుక్ లో అదరగొట్టాడు. మరి ఈ సినిమా వీరికి ఎలాంటి విజయాన్ని అందిస్తుందో చూడాలి.