Sreemukhi : ముచ్చటగా మూడో ఇల్లు కొనేసిన శ్రీముఖి

తెలుగు టెలివిజన్ రంగంలో టాప్ లేడీ యాంకర్స్‌లో ఒకరిగా దూసుకుపోతున్న యాంకర్ ‘శ్రీముఖి’ ఇటీవల హైదరాబాద్‌లో ఓ కొత్త ఇల్లు కొనుగోలు చేసింది. ఈ మేరకు ఆమెనే స్వయంగా ఆ ఇంటి గృహప్రవేశం ఫొటోస్‌ను తన ఫాలోవర్లతో సోషల్ మీడియాలో పంచుకుంది. నిన్న, మే 10న ఈ యాంకరమ్మ గారి బర్త్ డే కావడం, ఇక అదే రోజు ఆమె కొత్త ఇంట్లో అడుగుపెట్టడంతో ఆ డబుల్ హ్యాపీనెస్‌ను దాచుకోలేక ఇలా ఇన్‌స్టాగ్రామ్ వేదికగా షేర్ చేసింది. “మీరు కూడా మీ డ్రీమ్స్ పెద్దగా కంటేనే… జీవితంలో ముందుకు వెళ్ళగలరు….” అంటూ, ఆ ఇల్లు కొనడంలో తనకు ఎంతో హెల్ప్ చేసిన బ్రదర్ సుశ్రుత్ అండ్ ఫ్యామిలీ మెంబర్స్‌కు ఈ సందర్భంగా ఆమె థ్యాంక్స్ చెప్పారు. అలాగే తన తమ్ముడితో కలిసి హోమంలో పాల్గొన్న పిక్స్ అండ్ పాలు పొంగిస్తున్న వీడియోస్ కూడా ఇన్‌స్టాగ్రామ్‌లో పోస్ట్ చేసింది.

డెంటిస్ట్ అవుదామని అనుకోని వచ్చి, ఆ తరువాత అనుకోకుండా ఆర్టిస్ట్, యాంకర్‌గా స్థిరపడిన ఈ నిజామాబాద్ బిడ్డకు ఇది మూడో ఇల్లు. బిగ్ బాస్ సీజన్ 3లో మొదటి రన్నర్ అప్‌గా నిలిచిన శ్రీముఖి, ఆ మరుసటి ఏడాదే తన సొంతూరు నిజామాబాద్‌లో ఓ ఇల్లు కొనుగోలు చేసింది. ఆ తరువాత బిబి జోడి సీజన్ 1కు యాంకరింగ్ చేస్తున్న సమయంలో హైదరాబాద్‌లో మరో ఇల్లు తీసుకుంది. ఇక ఇప్పుడైతే తాజాగా సిటీలో ఓ లగ్జరీ ఇల్లు తీసుకుంది. ‘అదుర్స్’ అనే రియాలిటీ షోతో 14 ఏళ్ల క్రితం టీవీ ఇండస్ట్రీలో అడుగుపెట్టిన శ్రీముఖి, తన అందం, చలాకీ యాంకరింగ్‌తో ‘బుల్లితెర రాములమ్మ’గా తెలుగు టీవీ ప్రేక్షకుల్లో గుర్తింపు తెచ్చుకుని, ఇలా ఓ ఇల్లు తరువాత మరో ఇల్లు కొంటూ పోతుంది. ప్రస్తుతం ఈ బిజీ యాంకర్ ‘ఆదివారం విత్ స్టార్ మా పరివారం’ షోతో పాటు, ‘మ్యాడ్ ఫర్ ఈచ్ అదర్’ అనే రియాలిటీ షోకి కూడా హోస్ట్‌గా వ్యవహరిస్తుంది.