Ananth Sri Ram: రామ్ చరణ్ గోల్డెన్ స్పూన్’తో పుట్టిన ఐరన్ మ్యాన్
- Follow Us :
-
-
Add as a preferred
source on google
మెగా పవర్‌స్టార్ రామ్ చరణ్ క్రేజ్ ప్రస్తుతం ప్రపంచవ్యాప్తంగా ఏ స్థాయిలో ఉందో ప్రత్యేకంగా చెప్పక్కర్లేదు, కేవలం మెగాస్టార్ వారసుడిగానే కాకుండా, తనకంటూ ఒక ప్రత్యేకమైన గుర్తింపును సంపాదించుకున్న చరణ్ వ్యక్తిత్వంపై ప్రముఖ గేయ రచయిత అనంత్ శ్రీరామ్ చేసిన వ్యాఖ్యలు ఇప్పుడు సోషల్ మీడియాలో వైరల్ అవుతున్నాయి. ఇటీవల జరిగిన ఒక సాంగ్ సక్సెస్ ప్రెస్ మీట్‌లో అనంత్ శ్రీరామ్ మాట్లాడుతూ, రామ్ చరణ్ పని పట్ల చూపే నిబద్ధతను ఆకాశానికెత్తేశారు. రామ్ చరణ్ పుట్టుకతోనే అన్ని సౌకర్యాలు ఉన్న కుటుంబంలో గోల్డెన్ స్పూన్ తో పుట్టినప్పటికీ, కష్టపడే తత్వంలో మాత్రం ఆయన ఒక ‘ఐరన్ మ్యాన్’ అని అనంత్ శ్రీరామ్ అభివర్ణించారు. “ఒళ్లు దాచుకోకుండా పని చేయాలి” అని చిరంజీవి గారు ఎప్పుడూ చెబుతుంటారని, ఆ మాటను అక్షరాలా పాటిస్తూ చరణ్ నిరంతరం శ్రమిస్తుంటారని కొనియాడారు. కేవలం తానొక్కడే బాగుండాలని కాకుండా, తన చుట్టూ ఉన్న వారు, ముఖ్యంగా తనతో పని చేసే సాంకేతిక నిపుణులు కూడా బాగుండాలని కోరుకునే గొప్ప మనసున్న వ్యక్తి చరణ్ అని పేర్కొన్నారు.
దర్శకుడు బుచ్చిబాబు సానా కాంబినేషన్‌లో వస్తున్న కొత్త ప్రాజెక్టులోని “రయ్ రయ్ రా రా” పాట గురించి ప్రస్తావిస్తూ ఆసక్తికర విషయాలు పంచుకున్నారు. “ఈ పాట విషయంలో డైరెక్టర్ బుచ్చిబాబుకు ఏది కావాలో, ఆయన విజన్ ఏంటో దానికి తగ్గట్లుగా మీరు సాహిత్యాన్ని రాయండి.. ఆ పాటను అద్భుతంగా పండించడానికి ఎంత కష్టపడటానికైనా నేను సిద్ధం” అని చరణ్ మాటిచ్చారట. చెప్పినట్లుగానే, ఆ పాటలో చరణ్ పర్ఫార్మెన్స్ శివతాండవం ఆడినట్లుగా ఉందని, ఆయన డ్యాన్స్ చూసి యూనిట్ అంతా షాక్ అయ్యారని అనంత్ శ్రీరామ్ తెలిపారు. రచయితగా తనకు దక్కిన ఒక అరుదైన గౌరవం గురించి చెబుతూ అనంత్ శ్రీరామ్ భావోద్వేగానికి లోనయ్యారు. “ఒకే ఏడాదిలో అటు మెగాస్టార్ చిరంజీవి గారితో, ఇటు మెగా పవర్‌స్టార్ రామ్ చరణ్ గారితో పని చేసే అవకాశం రావడం.. ఇద్దరి సినిమాల్లోనూ సూపర్ హిట్ సాంగ్స్ అందించి సక్సెస్ అందుకోవడం ఒక రచయితగా నాకు దక్కిన గొప్ప అదృష్టం. చరిత్రలో నేను ఇలాగే నిలిచిపోతాను” అని ధీమా వ్యక్తం చేశారు.
Adil Rashid History: టీ20 అంతర్జాతీయాల్లో ఆదిల్ రషీద్ అరుదైన చరిత్ర!