బుట్టబొమ్మ … బుట్టబొమ్మ అంటూ ఆస్ట్రేలియా క్రికెటర్ డేవిడ్ వార్నర్ సోషల్ మీడియాలో రచ్చ చేసిన సంగతి తెలిసిందే. వీలు చిక్కినప్పుడల్లా వార్నర్ తన భార్యాపిల్లలతో అల్లు అర్జున్ పాటలకు డాన్స్ వేస్తూ కనిపిస్తాడు. ఆ వీడియోలను సోషల్ మీడియాలో పోస్ట్ చేయడం , బన్నీ ఫ్యాన్స్ వార్నర్ ని పొగడ్తలతో ముంచేయడం జరుగుతూనే ఉన్నాయి. ఇక ఇటీవల కొద్దిరోజులు గ్యాప్ ఇచ్చిన వార్నర్ తాజాగా పుష్ప ఏయ్ బిడ్డా సాంగ్ తో ప్రత్యక్షమైపోయాడు.
బన్నీ ఫేస్‌ని తన ఫేస్‌తో మార్ఫ్ చేసి వార్నర్ డ్యాన్స్ చేస్తున్న ఈ వీడియో ప్రస్తుతం వైరల్ అవుతోంది. ఇక ఈ వీడియోపై నెటిజన్లు హర్షం వ్యక్తం చేస్తున్నారు. సెలబ్రిటీస్ తో సహా కామెంట్స్ చేస్తున్నారు. టీమిండియా మాజీ కెప్టెన్ విరాట్ కోహ్లీ ” మేట్ ఆర్ యూ ఓకే” అని కామెంట్ చేయగా.. ‘పుష్ప’ హీరో అల్లు అర్జున్ ” వార్నర్ బ్రదర్.. తగ్గేదేలే ” అంటూ పుష్ప రాజ్ తరహాలో కామెంట్ పెట్టాడు. ప్రస్తుతం ఈ వీడియో నెట్టింట వైరల్ గా మారింది.
https://www.instagram.com/p/CXVv7sbJU1X/
