Agent: ఎట్టకేలకు ఓటిటీలోకి ఏజెంట్..

Agent: అఖిల్ అక్కినేని, సాక్షి వైద్య జంటగా సురేందర్ రెడ్డి దర్శకత్వంలో తెరకెక్కిన చిత్రం ఏజెంట్. ఏకే ఎంటర్ టైన్మెంట్స్ బ్యానర్ పై అనిల్ సుంకర, రామబ్రహ్మం సుంకర ఈ చిత్రాన్ని నిర్మించారు. ఈ ఏడాది ఏప్రిల్ 23 న రిలీజ్ అయిన ఏజెంట్.. భారీ పరాజయాన్ని అందుకుంది. మోస్ట్ ఎలిజిబుల్ బ్యాచిలర్ లాంటి హిట్ తరువాత పాన్ ఇండియా సినిమాగా ఏజెంట్ ను మొదలుపెట్టారు. దీనికోసం అఖిల్ రెండేళ్లు కష్టపడి బాడీని పెంచాడు. సినిమా మొదలుపెట్టినప్పటినుంచి ఎన్నో వాయిదాల తరువాత ఏప్రిల్ లో రిలీజ్ అయ్యింది ఏజెంట్. అయితే సినిమా ఇన్ ఫుట్ కూడా సరిగ్గా లేకపోవడంతో ఫ్యాన్స్ ఏజెంట్ ను పెద్ద డిజాస్టర్ గా మార్చారు. ఇక డిజాస్టర్ సినిమాలు ఓటిటీలో హిట్ టాక్ తెచ్చుకున్న సందర్భాలు చాలానే ఉన్నాయి. దీంతో ఏజెంట్ కూడా ఓటిటీలో మంచి టాక్ అందుకుంటుందేమో అని ఆ సినిమా ఓటిటీ కోసం అభిమానులు కళ్లుకాయలు కాచేలా ఎదురుచూస్తున్నారు.

Sai Pallavi: డైరెక్టర్ తో సాయి పల్లవి సీక్రెట్ పెళ్లి.. సాయి పల్లవి రియాక్షన్ ఇదే ..!

ఇక ఇక్కడ కూడా వాయిదాల మీద వాయిదాలు పడుతూనే వస్తుంది. మధ్యలో గొడవలు కూడా కావడంతో సినిమాపై ఆశలు వదిలేసుకున్నారు. కానీ, అనుకోని విధంగా ఈ సినిమా ఓటిటీ డేట్ ను అనౌన్స్ చేసి అభిమానులకు షాక్ ఇచ్చారు మేకర్స్ . ఏజెంట్ డిజిటల్ హక్కులను సోనీలివ్ సొంతం చేసుకున్న విషయం తెల్సిందే. సెప్టెంబర్ 29 నుంచి సోనీలివ్ లో ఏజెంట్ స్ట్రీమింగ్ కానుంది. ఇక ఈ విషయాన్నీ మేకర్స్ అధికారికంగా ప్రకటించడంతో అభిమానులు ఆనందాన్ని వ్యక్తం చేస్తున్నారు. అసలు ఏజెంట్ ఓటిటీ రాదేమో అనుకున్నాం.. ఇప్పటికైనా వదిలారు అదే సంతోషం అంటూ చెప్పుకొస్తున్నారు. మరి ఈ సినిమా ఓటిటీలో ఎలాంటి టాక్ ను అందుకుంటుందో చూడాలి.