యంగ్ హీరో అడివి శేష్ కు గోల్డెన్ ఛాన్స్

యంగ్ హీరో అడివి శేష్ టాలీవుడ్ లో విభిన్న సినిమాలతో ప్రత్యేకతను చాటుకున్న నటులలో ఒకరు. క్షణం, గూడాచారి వంటి సినిమాలతో పరిమిత బడ్జెట్‌తోనే హిట్ కొట్టి మంచి గుర్తింపు దక్కించుకున్నాడు. అయితే తాజాగా ఈ యంగ్ హీరోకు గోల్డెన్ ఛాన్స్ వచ్చినట్టు తెలుస్తోంది. ఇటీవల మీడియాతో ఇంటరాక్ట్ అయిన శేష్ తన నెక్స్ట్ ప్రాజెక్ట్‌ల గురించి మాట్లాడుతూ తనకు బాలీవుడ్ సినిమాల్లో ఆఫర్ వచ్చిందని స్వయంగా వెల్లడించాడు. “నేను నా నెక్స్ట్ రెండు హిందీ చిత్రాలకు సంతకం చేశాను. త్వరలోనే ఈ సినిమాలకు సంబంధించి అధికారిక ప్రకటన చేస్తాను” అని అన్నారు.

Read Also : తగ్గేదే లే… అనుకున్న టైమ్ కే ‘పుష్ప’ హిందీ వెర్షన్ రిలీజ్

ప్రస్తుతం శేష్ భారీ బడ్జెట్ బహుభాషా యాక్షన్ డ్రామా “మేజర్” సినిమా షూటింగ్ ను పూర్తి చేశాడు. సోనీ పిక్చర్స్, జి. మహేష్ బాబు ఎంటర్‌టైన్‌మెంట్, ఎ+ఎస్ మూవీస్ బ్యానర్లు సంయుక్తంగా నిర్మిస్తున్నాయి. తెలుగు, హిందీ భాషల్లో ఏకకాలంలో చిత్రీకరించి తర్వాత మలయాళంలోకి డబ్ చేస్తున్నారు. “మేజర్” చిత్రం 2008 ముంబై దాడుల అమరవీరుడు మేజర్ సందీప్ ఉన్నికృష్ణన్ జీవితం ఆధారంగా రూపొందుతోంది. ఇందులో శోభితా ధూళిపాళ, సాయి మంజ్రేకర్ మహిళా ప్రధాన పాత్రల్లో కనిపించబోతున్నారు. శశి కిరణ్ తిక్క ఈ చిత్రానికి దర్శకత్వం వహిస్తున్నారు. ఈ సినిమా త్వరలోనే ప్రేక్షకుల ముందుకు రానుంది.