Poorna: టాలీవుడ్ నటి పూర్ణ ఇటీవలే పెళ్లి చేసుకొని కొత్త జీవితం మొదలుపెట్టింది. దుబాయ్ కు చెందిన వ్యాపారవేత్త షానిద్ ఆసిఫ్ ఆలీని సీక్రెట్ గా వివాహమాడిన పూర్ణ ఈ మధ్యనే తన పెళ్లి ఫోటోలు రిలీజ్ చేసి షాక్ ఇచ్చింది. ఇక ప్రస్తుతం ఆమె పలు రియాలిటీ షోలకు జడ్జిగా వ్యవహరిస్తోంది. అయితే పెళ్లై కొద్దిరోజులు కాకుండానే నటి పూర్ణకు షాక్ తగిలింది. తన భర్త ప్రొఫైల్ తో ఎవరో డబ్బులు గుంజుతున్నారని పూర్ణ దృష్టికి వచ్చింది. ఇటీవల సైబర్ నేరగాళ్లు ఎక్కువైపోతున్నారు. సెలబ్రిటీల పేర్లను వాడుకుంటూ, వారి డీపీలను పెట్టుకొని సామాన్య ప్రజలను మోసం చేస్తున్నారు. ప్రస్తుతం ఇదే పరిస్థితిని పూర్ణ భర్త ఆసిఫ్ ఎదుర్కొంటున్నాడు.
కొంతమంది సైబర్ నేరగాళ్లు ఆసిఫ్ అనే పేరుతో, ఆయన ఫొటోతో వాట్సాప్ క్రియేట్ చేసి లావాదేవీలు నడుతున్నారట.. సామాన్యుల వద్ద నుంచి లక్షల లక్షల డబ్బు గుంజుతున్నారట. ఇక ఫోటో పూర్ణ భర్త ది ఉండడంతో మోసపోయినవారందరు ఆసిఫ్ మోసగాడు అంటూ చెప్పుకొస్తున్నారు. ఇక ఈ విషయమై పూర్ణ స్పందించింది. తన భర్త పేరు, ఫొటోతో ఫేక్ ప్రొఫైల్ క్రియేట్ చేసి ఎవరో సైబర్ నేరగాళ్లు ఈ పని చేస్తున్నారు.. ఆ నంబర్ నా భర్తది కాదు.. నా భర్త పేరు చెప్పి ఎవరైనా డబ్బు ఇవ్వమన్నా ఇవ్వకండి.. ఒకవేళ మీరు మోసపోతే నా భర్తను అనకండి.. మీరు మోసపోతే అందుకు నా భర్త కారణం కాదు అని చెప్పుకొచ్చింది. ప్రస్తుతం ఈ పోస్ట్ నెట్టింట వైరల్ గా మారింది.